Pisalema 144:12 - BIBELE Mahungu Lamanene

¹² Vana va hina va xinuna a va fane ni mirhi leyi nga mila yi tiya ku sukela loko yi byariwile; vana va hina va xisati a va fane ni timhandze leti vatliweke ta yinhla, leti sasekisaka tindlu ta vuhosi.

Xitsonga (Bibele)

¹² Vana va hina va xinuna va fana ni swimilana, Va kula evuntshweni bya vona; Vana va hina va vanhwana va fana ni maribye lama vatliweke, Lama vombisaka tindlu ta tihosi.

Pisalema 144:12 Referans Kwoze

Pisalema 128:3

Emutini wa wena, nsati wa wena ú ta fana ni murhi wa vhinya lowu vekaka mihandzu leyo tala. Vana va wena va xinuna va ta fana ni swihluke swa murhi wa mutlhwari, loko va tshama na wena eswakudyeni.

Ntirho 42:15

Etikweni hinkwaro, a ku ri hava vanhwana va timbhurhi to fana ni vana va Yobo, kutani tata wa vona a va avela ndzhaka exikarhi ka vamakwavo va xinuna.

Swirilo 4:2

Majaha yo rhandzeka ya Siyoni a ma ri ni nkoka ku fana ni nsuku lowo saseka, kambe sweswi ma fana ni swibya swa vumba, leswi nga vumbiwaka hi mani na mani.

Duteronoma 7:13

HOSI Xikwembu xi ta mi rhandza, xi mi katekisa leswaku mi andza mi va ni vana lavo tala. Xi ta katekisa ni masimu ya n'wina leswaku mi pfuna mavele ni vhinyo ni mafurha, xi mi nyika ni swifuwo leswo tala leswikulu ni leswitsongo, etikweni leri xi tshembiseke vatata wa n'wina leswaku xi ta mi nyika rona.

Zakariya 9:17

Hakunene tiko ri ta saseka, ri tsakisa! Majaha ni vanhwana va ta kula va tsakile, hikuva va ta phameriwa swakudya ni swakunwa leswinene.