Pisalema 143:8 - BIBELE Mahungu Lamanene

⁸ Ndzi tsundzuxe rirhandzu ra wena mixo wun'wana ni wun'wana, hikuva eka wena ndzi hlayisekile. Ndzi kombe ndlela leyi ndzi fanelaka ku famba ha yona, hikuva ndzi tinyiketile eka wena.

Xitsonga (Bibele)

⁸ Ndzi nantswise rito ra tintswalo ta wena wa ha ri mixo! Hikuva ndzi tshembile wena. Ndzi kombise ndlela leyi ndzi fanelaka ku famba ha yona! Hikuva ndzi tlhandlukisela moya wa mina eka wena.

Pisalema 143:8 Referans Kwoze

Esaya 48:17

Mukutsuri wa n'wina, HOSI Xikwembu, Muhlawuleki wa Israele, ú vurisa sweswo, ú ri: “Hi mina HOSI Xikwembu xa n'wina, lexi xi mi dyondzisaka ku endla leswi swi nga ta mi vuyerisa, ndzi mi komba ni ndlela leyi mi fanelaka ku hanya ha yona.

Pisalema 46:5

Xikwembu xi le mutini wa kona, a ku na loyi a nga wu ninginisaka, hikuva Xikwembu xi ta wu sirhelela ka ha ri mpundzu.

Pisalema 32:8

HOSI Xikwembu xi ri: “Ndzi ta ku dyondzisa, ndzi ku komba ndlela leyi u fanelaka ku famba ha yona; ndzi ta ku letela, ndzi nga ka ndzi nga tshiki ku ku lwela.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Pisalema 59:16

Kambe mina ndzi ta yimbelela ndzi dzunisa matimba ya wena, ndzi ta twarisa rirhandzu ra wena ka ha ri mixo, hikuva u vile khokholo ra mina laha ndzi tsutsumeleke kona hi nkarhi wa khombo.

Pisalema 143:10

Ndzi dyondzise ku endla leswi u swi tsakelaka, hikuva u Xikwembu xanga. Moya wa wena hi lowunene, a wu ndzi basisele tindlela.

Pisalema 27:11

We HOSI, ndzi kombe leswi u rhandzaka swona, u ndzi sirhelela lomu ndzi fambaka kona, hikuva ndzi ni valala.

Pisalema 90:14

Hi kombe rirhandzu ra wena ka ha ri mixo, leswaku hi ta tsaka hi ku dzunisa, vutomi bya hina hinkwabyo.

Swirilo 3:41

A hi tlakuseni mavoko, hi khongela Xikwembu xa le matilweni hi timbilu ta hina hinkwato, hi ku:

Pisalema 86:4

We N'wini wanga, ndzi tsakise, hikuva ndzi nandza wa wena, ndzi tlakusa mahlo ndzi languta eka wena.

Pisalema 30:5

hikuva vukari bya yona i bya nkarhinyana ntsena, kambe minkateko ya yona i ya vutomi hinkwabyo. Nimadyambu i mihloti, loko ri xa i minkulungwana!

Pisalema 119:34

Ndzi nyike ku twisisa nawu wa wena, ndzi wu landza hi mbilu ya mina hinkwayo.

Pisalema 119:73

We HOSI, u ndzi vumbile ni ku ndzi tiyisa hi mavoko ya wena, hikokwalaho ndzi nyike vutlhari, leswaku ndzi ta twisisa swileriso swa wena.

Pisalema 42:8

Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Pisalema 5:8

HOSI, leswi ndzi nga ni valala, ndzi fambise endleleni ya wena leyo lulama, u yi khulela yi basa emahlweni ka mina.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Vaavanyisi 13:12

Manowaka a n'wi vutisa a ku: “Loko swilo leswi u swi vulaka swi humelela, mufana loyi ú fanele ku hanyisa ku yini, naswona ú fanele ku tirha yini xana?”

1 SAMIELE 23:12

Davhida a vutisa nakambe a ku: “Xana vaaki va muti wa Keyila va ta ndzi nyiketa emavokweni ya Sawulo, swin'we ni masocha ya mina, xana?” HOSI Xikwembu xi hlamula xi ku: “Va ta mi nyiketa.”

Pisalema 25:20

We HOSI, ndzi sirhelele, u ndzi lamulela eka valala, u nga ndzi tshiki ndzi khomiwa hi tingana, hikuva hi wena u nga khokholo ra mina.