Pisalema 143:7 - BIBELE Mahungu Lamanene

⁷ We HOSI hatlisa u ndzi hlamula, hikuva ndzi karhele. U nga tshuki u ndzi fularhela, hikuva ndzi nga fana ni lava yaka eku feni.

Xitsonga (Bibele)

⁷ Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

Pisalema 143:7 Referans Kwoze

Pisalema 69:17

Ndzi nandza wa wena, hikokwalaho u nga ndzi fularheli; ndzi le maxangwini, hatlisa u ndzi hlamula.

Pisalema 28:1

We HOSI, ndzi huwelela eka wena, u nga ndzi pfaleli tindleve, we ribye ranga, hikuva loko wo ndzi miyelela, ndzi ta ya eku loveni!

Pisalema 27:9

u nga tshuki u ndzi fularhela. Mina nandza wa wena, u nga ndzi kariheli u ndzi hlongola, hikuva hi wena mupfuni wa mina, u nga ndzi fularheli, u nga ndzi tshiki, hikuva we Xikwembu, u muponisi wa mina.

Pisalema 71:12

We Xikwembu, hatlisa u ta ndzi pfuna, u nga yimi kule na mina, wena Xikwembu xanga!

Esaya 38:18

Xivandla xa vafi xi nga ka xi nga ku nkhensi, ni rifu ri nge ku dzunisi! Vanhu lava nga emasirheni, a va ha voni ku tshembeka ka wena.

Pisalema 102:2

Loko ndzi ri emaxangwini, u nga tshuki u ndzi fularhela. Ndzi rhiyele ndleve u hatla u ndzi hlamula, loko ndzi huwelela eka wena.

Pisalema 69:3

Nkolo wa mina wu twa ku vava, hikuva ndzi huwelele ngopfu, kutani ndzi karhele, ni mahlo ya mina ma fehla hi ku ku langutela, we Xikwembu xanga.

Luka 21:26

Vanhu va ta titivala hi ku chava ni ku ehleketa leswi nga ta humelela la misaveni, hikuva leswa matimba swa le matilweni swi ta dzinginisiwa.

Esaya 57:16

Ndzi nga ka ndzi nga tshami ndzi ri karhi ndzi karihela vanhu va mina, naswona ndzi nge va hlundzukeli hilaha ku nga heriki, hikuva vanhu va mina lava ndzi va endleke, va nga ta fa va hela.

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 70:5

Ndzi xisiwana, ndzi pfumala swa le mandleni: We Xikwembu, hatlisa u ta ka mina. We HOSI, u mupfuni ni muponisi wa mina, hatlisa u ta ndzi pfuna.

Pisalema 40:17

Hambileswi ndzi nga xisiwana, ndzi pfumalaka swa le mandleni, N'wini wanga a nga ndzi rivali. We Xikwembu xanga, u mupfuni ni muponisi wa mina, hatlisa u ta ndzi pfuna.

Pisalema 22:24

hikuva a xi solanga loyi a nga nhlomulweni, kumbe ku n'wi honisa; a xi n'wi fularhelanga, kambe xi n'wi yingisile loko a huwelela eka xona.”

Pisalema 84:2

ndzi navela hi mbilu ya mina hinkwayo ku fika exivaveni xa yindlu ya wena. Hi miri ni moya, ndzi huwelela hi ku tsaka eka wena Xikwembu lexi hanyaka.

Pisalema 69:18

Tshinela kusuhi na mina, u ndzi lamulela, u ndzi ponisa emavokweni ya valala.

Swivuriso 13:12

Loko munhu a nga kumi lexi a xi languteleke, ú twa mbilu ku vava, kasi loko a kuma lexi a xi navelaka, swi fana ni loko a kumile murhi lowu nyikaka vutomi.