Pisalema 143:10 - BIBELE Mahungu Lamanene

¹⁰ Ndzi dyondzise ku endla leswi u swi tsakelaka, hikuva u Xikwembu xanga. Moya wa wena hi lowunene, a wu ndzi basisele tindlela.

Xitsonga (Bibele)

¹⁰ Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

Pisalema 143:10 Referans Kwoze

Yohane 14:26

Kambe Muyimeri, a nga Moya lowo Kwetsima lowu Tatana a nga ta wu rhuma hi vito ra mina, ú ta mi dyondzisa hinkwaswo, ni ku mi tsundzuxa hinkwaswo leswi ndzi mi byeleke swona.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Pisalema 23:3

U hlayisa moya wa mina, u ndzi fambisa etindleleni leto lulama hikwalaho ka vito ra wena.

Pisalema 119:12

We HOSI, vanhu a va tlangele wena! Hambi a ri mina, ndzi dyondzise milawu ya wena.

Nehemiya 9:20

U va nyikile Moya wa wena lowunene wu va letela; u va phamerile manna, va dya, u va nyikile ni mati va tima torha.

1 Yohane 2:27

Kambe Moya lowu Kriste a nga mi chela wona, wu tshame eka n'wina, kutani a mi faneli ku dyondzisiwa hi munhu; hikuva Moya wa yena lowu mi nga cheriwa wona, wa mi dyondzisa ehenhla ka hinkwaswo, naswona i Moya wa ntiyiso, a wu hembi; hikokwalaho, tshamani eka Kriste, hilaha Moya wu mi dyondzisaka hakona.

2 Timotiya 1:7

Hikuva Xikwembu a xi hi nyikanga moya wa vutoya, kambe xi hi nyikile moya wa matimba, ni wa rirhandzu, ni wa ku tikhoma.

Varhoma 15:13

Ingi Xikwembu lexi ku langutela ku humaka ka xona xi nga mi tata hi ku tsaka hinkwako ni ku rhula hinkwako eku pfumeleni, leswaku, hi matimba ya Moya lowo Kwetsima, ku langutela ku mi talela, ku va ku khapa.

Pisalema 140:6

We HOSI, ndzi vulavula na wena ndzi ri: U Xikwembu xa mina, rhiya ndleve u yingisa xirilo xa mina.

Pisalema 31:14

Kambe mina ndzi tshemba wena, we HOSI, ndzi ri, u Xikwembu xanga.

Varhoma 8:26

Hi mukhuva wolowo Moya na wona wa hi pfuna eku tsaneni ka hina; hikuva a hi tivi ndlela leyi hi fanelaka ku khongela ha yona, kambe Moya, wona ha woxe, wu khongela Xikwembu ematshan'wini ya hina, loko hina hi konya kunene hi nga humesi marito.

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Varhoma 5:5

kutani ku langutela a ku hi khomisi tingana, hikuva Xikwembu xi cherile rirhandzu ra xona etimbilwini ta hina hi Moya lowo Kwetsima lowu hi nyikiweke wona.

Pisalema 119:35

Ndzi fambise entileni wa swileriso swa wena, hikuva hi wona wu ndzi tsakisaka.

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Esaya 63:14

Moya wa HOSI Xikwembu wu va nyikile ku wisa, va kota tihomu leti rhelelaka enkoveni; vanhu va xona xi va rhangerile hi mukhuva wolowo, leswaku vito ra xona ri ta dzunisiwa.”

Pisalema 25:12

HOSI Xikwembu xi komba munhu loyi a xi chavaka ndlela leyi a fanelaka ku hlawula yona.

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Pisalema 139:24

Loko u vona leswaku ndzi le ku lahlekeni, ndzi vuyise endleleni leyi nga yona minkarhi hinkwayo.

Pisalema 63:1

We Xikwembu, u Xikwembu xa mina, ndza ku lava, ndzi ni torha ra wena. Mina hi xiviri xa mina ndza ku rilela, ku fana ni misava leyi omeke loko yi rilela mati.

Varhoma 15:30

Kutani ndza mi khongotela, vamakwerhu, hi Hosi ya hina Yesu Kriste ni rirhandzu ra Moya, leswaku mi ndzi seketela hi matimba, emikhongelweni ya n'wina leyi mi ndzi khongelelaka ha yona eka Xikwembu,

Pisalema 118:28

Xikwembu xa mina hi wena, ndzi ta ku tlangela, U Xikwembu xa mina, ndzi ta ku twarisa.

Pisalema 22:1

Xikwembu xanga, Xikwembu xanga, u ndzi tshikele yini! Ndzi le ku konyeni, ndzi kombela ku pfuniwa; u yimela yini kule na mina xana?

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Esaya 29:10

HOSI Xikwembu xi mi huhuterile moya wa vurhongo lebyikulu; xi pfarile mahlo ya n'wina, va nga vaprofeta, xi khubumeta ni tinhloko ta n'wina, va nga vamavonakule.

Tinhlayo 9:22

Vaisraele a va tshama laha va goveke kona, va nga suki, hambiloko papa ri khubumeta Ntsonga ri tshama masiku mambirhi, kumbe n'hweti, kumbe ku tlula n'hweti; kambe loko papa ri suka, na vona a va suka.

Pisalema 27:11

We HOSI, ndzi kombe leswi u rhandzaka swona, u ndzi sirhelela lomu ndzi fambaka kona, hikuva ndzi ni valala.