Pisalema 141:6 - BIBELE Mahungu Lamanene

⁶ Siku varhangeri va vona va nga ta cukumetiwa ekheleni, va ta ndzi twa ndzi ku: “Va layekile!”

Xitsonga (Bibele)

⁶ Loko tihosi ta vona ti werile eswiweni, Hi laha va nga ta yingisa timhaka ta mina, hikuva ti nene.

Pisalema 141:6 Referans Kwoze

2 TIKRONIKA 25:12

Kutani vavanuna va ka Yuda va khoma Vaedomu van'wana va 10 000, va famba na vona entshaveni leyi nga ni riwa, va fika va va cukumeta kona va ha hanya, kutani Vaedomu va tshoveleleka va fa.

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

1 TIKRONIKA 13:2

Kutani a hlengeleta Vaisraele hinkwavo, a ku ka vona: “Loko mi nkhensa ni loko HOSI Xikwembu xi nga hi pfulela tindlela, a hi ta vitana va ka hina hinkwavo lava nga sala etindhawini tin'wana ta tiko ra Israele, hi vitana ni vaprista ni Valevhi lava akeke emitini leyi nga ni madyelo ya swifuwo, kutani hinkwavo va ta, va ta hlangana na hina haleno.

1 TIKRONIKA 12:38

Masocha lawa hinkwawo ma yile le Hebroni ma xaxamerile hi mavuthu, ma ri ni makungu ya ku veka Davhida a va hosi; na vona Vaisraele van'wana hinkwavo a va ri ni makungu walawo.

2 SAMIELE 23:1

Lawa i marito ya Davhida yo hetelela: “Ku vula mina Davhida n'wana Yese, ku vula mina, munhu loyi a yisiweke eka xiyimo xa le henhla, loyi Xikwembu xa Yakobo xi n'wi hlawuleke, musumi wa tinsimu loyi a tsakeriwaka ngopfu hi Vaisraele.

Luka 4:22

Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”