Pisalema 141:5 - BIBELE Mahungu Lamanene

⁵ Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Xitsonga (Bibele)

⁵ La lulameke! Loko a ndzi ba, ti ta va tintswalo; Loko a ndzi laya, ma ta va mafurha enhlokweni ya mina; Nhloko ya mina a yi nga ma ali; Hikuva ndzi ta va ndzi khongela emaxangwini ya vona.

Pisalema 141:5 Referans Kwoze

Eklesiasta 7:5

La nkhensaka ku tshinyiwa hi ntlhari, ú tlula la tsakelaka ku phatiwa hi swiphunta.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Swivuriso 25:12

Swiletelo swa vutlhari, eka munhu loyi a swi yingisaka, swi fana ni xingwavila xa nsuku, kumbe vuhlalu bya nkoka.

Swivuriso 19:25

Loko u ba musandzi, swi nga nyika dyondzo eka lava pfumalaka vutivi, loko u laya munhu wo twisisa, swi n'wi pfuna ku engetelela vutlhari.

Swivuriso 15:5

Xiphukuphuku xi sandza swiletelo swa tata wa xona, kambe loyi a pfulekeke miehleketo, ú pfumela ku tshinyiwa.

2 TIKRONIKA 25:16

Loko muprofeta a ha vulavula, Amasiya a n'wi tsema nomo, a ku: “Xana u lo vekiwa ku va mutsundzuxi laha ntsindza xana? Miyela, loko u nga lavi ku pulukanyiwa!” Muprofeta a miyelanyana, kambe a engeta a ku: “Loko ndzi vona maendlele ya wena lawa, ni leswaku u ndzi sivela ku ku komba ndlela, ndza swi vona leswaku hakunene Xikwembu xi tiyimiserile ku ku herisa!”

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Pisalema 125:4

We HOSI, katekisa vanhu lavo lulama, lava navelaka hi mbilu hinkwayo ku endla leswinene.

Pisalema 51:18

Hikwalaho ka tintswalo ta wena, katekisa muti wa Siyoni, u pfuxa rirhangu ra Yerusalema,

Pisalema 23:5

U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

Matewu 5:44

Kambe mina ndzi ri ka n'wina: Rhandzani valala va n'wina, mi khongelela lava va mi xanisaka,

Swivuriso 15:22

Laha ku nga riki na ku tsundzuxana, makungu ma helela empfhukeni, kasi loko ku ri ni vatsundzuxi lavo tala, makungu ma humelela.

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

Swivuriso 12:1

Loyi a rhandzaka ku tsundzuxiwa, ú rhandza vutivi, kambe loyi a vengaka ku tshinyiwa, wa hlanya.