Pisalema 140:5 - BIBELE Mahungu Lamanene

⁵ Vanhu lava va manyunyu va ndzi tumbelerile va lava ku ndzi phasa, endleleni ya mina va rhiyile mintlhamu, va veka ni swirimbana.

Xitsonga (Bibele)

⁵ Vatikurisi va ndzi fihlele ntlhamu ni tingoti, Va rhiya vurimba ematlhelweni ya ndlela, Va ndzi rhiyile hi marindzi.

Pisalema 140:5 Referans Kwoze

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Pisalema 35:7

A ndzi va dyohelanga nchumu, kambe va ndzi rhiya hi ntlhamu, va cela khele leswaku ndzi wela ka rona ndzi fa.

Yeremiya 18:22

Va tisele swigevenga swi hatla swi va hlasela, va sala va ba nkalanga emitini ya vona! Vanhu lava va cerile khele leswaku ndzi wela eka rona, va rhiyile ntlhamu wo ndzi phasa ha wona.

Yeremiya 18:20

Leswinene a swi hakeriwi hi leswo biha! Kambe mina va ndzi celela sirha; anakanya hilaha ndzi yimeke hakona emahlweni ka wena, ndzi ri karhi ndzi va khongelela, leswaku u rheleta vukari bya wena, u nga ha va bi.

Pisalema 57:6

Valala va mina va ndzi rhiyele ntlhamu, kambe ndzi wu wachukisile! Endleleni ya mina va cerile khele, kambe lava nga wela eka rona hi vona vinyi!

Swivuriso 29:5

Munhu loyi a chavaka ku tshinya muakelani, ú n'wi rhiyela ntlhamu lowu wu nga ta n'wi phasa.

Pisalema 119:110

Lavo homboloka va ndzi rhiyile hi ntlhamu, kambe a ndzi tluli swiletelo swa wena.

Pisalema 119:85

Vasandzi lava va cela khele emahlweni ka mina; a va na mhaka ni nawu wa wena.

Pisalema 119:69

Vasandzi va ndzi lumbeta, kasi mina ndzi hlayisa swiletelo swa wena hi mbilu ya mina hinkwayo;

Pisalema 36:11

U nga pfumeli leswaku lava tikurisaka va nghena emutini wa mina, ni leswaku lavo homboloka va ndzi humesa eka wona.

Pisalema 31:4

Ndzi phonyokise entlhan'wini lowu ndzi rhiyiweke ha wona, hikuva hi wena u nga xisirhelelo xa mina.

Ntirho 18:9

ntlhamu wu n'wi phasa nenge, a khomiwa hi rigoda.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

Pisalema 43:1

We Xikwembu, ndzi avanyisele mhaka ya mina, u ndzi lwela eka vanhu lava nga khongeriki; ndzi lamulele eka vanhu lavo homboloka, lava kanganyisaka.

Swivuriso 24:15

U nga yi u ya tumbelela munhu wo lulama laha a tshamaka kona, muti wa yena, u nga tshuki u wu hlasela,