Pisalema 140:2 - BIBELE Mahungu Lamanene

² Vanhu lava, va boha makungu layo biha, va le ku pfuxeni ka tinyimpi.

Xitsonga (Bibele)

² Lava kanelaka swo biha etimbilwini ta vona, Va pfuxaka madzolonga hi masiku!

Pisalema 140:2 Referans Kwoze

Pisalema 56:6

Va ndzi tumbelela, va ndzi sala ndzhaku, va xiyaxiya leswi ndzi swi endlaka, hikuva makungu ya vona i ku ndzi dlaya.

Pisalema 36:4

Hambi a etlele nivusiku, ú le ku lukeni ka mano layo biha, a hlawula ndlela leyi nga riki yona, a nga fularheli leswo biha.

Nahume 1:11

Munhu wa makungu layo biha ya ku lwa ni HOSI, loyi a byeleteleke vanhu leswi nga pfuniki nchumu, ú huma eka wena Ninivha.

Hosiya 7:6

Timbilu ta vona ti fana ni ndzilo exitikweni, ti tshineta vukanganyisi kusuhi. Vusiku hinkwabyo vukari bya vona byi vuvumela kunene, kambe nimpundzu byi huma malangavi lamakulu.

Swivuriso 12:20

Vukanganyisi byi le timbilwini ta lava endlaka swo biha, kasi lava nga ni makungu lama tisaka ku rhula, va tsakile.

Pisalema 120:7

Mina ndzi rhandza ku rhula, kambe loko ndzi vulavula hi ku rhula loku, vona va pfuxa nyimpi.

Pisalema 62:3

Hikwalaho ka yini mi khitikana mi ta ndzi hlasela, mina loyi ndzi fanaka ni khumbi leri waka, kumbe rihlampfu leri boleke, xana?

Pisalema 38:12

Lava va lavaka ku ndzi dlaya, va rhiya mintlhamu, lava tsakelaka ku ndzi vavisa, va kanela swa ku ndzi lovisa, siku hinkwaro va vulavula swo kanganyisa.

Pisalema 21:11

Vanhu va nga hlengeletana endhawini yin'we va boha makungu ya ku lwa na wena, kambe va nga ka va nga humeleli,

Pisalema 59:3

Languta we HOSI, va ndzi tumbelela va lava ku ndzi dlaya, vanhu lava va tihanyi va ndzi xiyaxiya va lwa na mina; mina a ndzi tlulanga milawu, a ndzi dyohanga nchumu,