Pisalema 140:1 - BIBELE Mahungu Lamanene

¹ We HOSI, ndzi lamulele eka vanhu lavo homboloka, u ndzi sirhelela eka lava nga ni tihanyi.

Xitsonga (Bibele)

¹ Yehovha ndzi lamulele eka vanhu lavo biha! Ndzi lwele ka vanhu va tihanyi.

Pisalema 140:1 Referans Kwoze

Pisalema 140:4

We HOSI, ndzi lamulele emavokweni ya lavo homboloka, u ndzi biyelela eka vanhu va tihanyi lava tsakelaka ku ndzi wisa.

Pisalema 18:48

We Xikwembu, wa ndzi ntshunxa emavokweni ya valala va mina, hakunene u ndzi pfuna ku hlula lava lwaka na mina, u ndzi lamulela eka vanhu va tihanyi.

Pisalema 71:4

We Xikwembu xanga, ndzi kutsule emavokweni ya lavo homboloka, ndzi biyelele eka vanhu lavo biha va tihanyi.

Pisalema 140:11

Lava hembelaka van'wana, a va herisiwe etikweni, vanhu va tihanyi a va hatlise va wela ekhombyeni.

Pisalema 17:13

Suka u yima, we HOSI! Va hlanganise, u va wisela ehansi. Ndzi lwele hi fumu ra wena eka vanhu lava vo homboloka.

Pisalema 43:1

We Xikwembu, ndzi avanyisele mhaka ya mina, u ndzi lwela eka vanhu lava nga khongeriki; ndzi lamulele eka vanhu lavo homboloka, lava kanganyisaka.