Pisalema 14:3 - BIBELE Mahungu Lamanene

³ kambe hinkwavo va hambukile ndleleni, va onhakile ku fana, ku hava la endlaka leswinene, ku pfumaleka na un'we wa mhamba.

Xitsonga (Bibele)

³ Hinkwavo va hambukile, va tionhile swin'we; A ku na la endlaka swinene, hambi a ri un'we.

Pisalema 14:3 Referans Kwoze

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Esaya 64:6

Hinkwerhu hi fana ni munhu loyi a nga tengangiki, hambi yi ri mintirho ya hina leyo lulama yi fana ni xiambalo lexi nyamisiweke. Hi fana ni matluka lama vuneke, swidyoho swa hina i moya lowu hungaka, wu hi rhwala wu famba na hina.

Varhoma 3:23

Vanhu hinkwavo va dyohile, hikokwalaho ku kwetsima loku a va nyikiwile hi Xikwembu, va ku pfumala.

Pisalema 14:1

Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla swa manyala ntsena, ku hava na un'we la endlaka leswinene.

Ntirho 14:4

I mani la nga humesaka swilo leswo tenga eka leswi nga tengangiki xana? Ku hava na un'we!

Pisalema 58:3

Lavo homboloka va dyohile va ha ku velekiwa, vahembi valavo va lahlekile ku sukela evuhlangini bya vona.

Vaefesa 2:3

Na hina hinkwerhu khale a hi fana na vona, hi hanya hi ku navela ka ntumbuluko wa hina wa laha misaveni, hi endla hinkwaswo leswi tsakisaka miri ni miehleketo ya hina; kutani na hina, hi ku tumbuluka, a hi faneriwile hi vukari bya Xikwembu, ku fana ni vanhu van'wana.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Yeremiya 2:13

hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Pisalema 119:176

Ndzi le ku pepetsekeni kukota nyimpfu leyi lahlekeke. Tana u ta ndzi lava mina nandza wa wena, hikuva a ndzi rivali swileriso swa wena.

Eklesiasta 7:29

Mhaka leyi ndzi yi kumeke hi leyi: Xikwembu xi endlile vanhu va ri lava lulameke, kambe vona va tilavele tindlela to tala leti hambukeke.

Pisalema 38:5

Swilondza swa mina swa nun'hwa swi huma vuvopfu, hikwalaho ka vuphukuphuku bya mina.

Duteronoma 1:35

‘A ku na un'we wa vanhu lava vo biha timbilu loyi a nga ta vona tiko leri ndzi ri tshembiseke vatata wa vona hi ku hlambanya;

1 Vakorinto 6:5

Ndzi vurisa sweswo ku mi khomisa tingana. Xana hakunene a ku na un'we wo tlhariha exikarhi ka n'wina la kotaka ku avanyisela munhu ni makwavo wa yena eHosini etimhaka ta vona xana?

Ntirho 15:16

Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

Eksoda 12:30

Vusiku byebyo, Faro ni malandza ya yena hinkwawo, ni vanhu hinkwavo va Egipta, va pfuka; etikweni hinkwaro ra Egipta, a ku ri ni nkosi lowukulu, hikuva a ku ri hava muti lowu a ku nga ri na rifu eka wona.

Eksoda 8:31

Kutani HOSI Xikwembu xi endla hilaha Muxe a kombeleke hakona: Xi susa mabawa eka Faro, ni le ka malandza ya yena, ni le ka vanhu va yena, ku nga sali na rin'we ra wona.

Genesa 6:12

Loko xi yi languta, xi vona leswaku yi onhakile, hikuva vanhu hinkwavo emisaveni a va endla leswo biha.

Eklesiasta 7:20

La misaveni, u nge kumi munhu wo lulama la endlaka leswinene ntsena, la nga dyohiki ni siku ni rin'we.