Pisalema 14:2 - BIBELE Mahungu Lamanene

² HOSI Xikwembu xi languta vanhu xi ri etilweni, ku vona loko ku nga va ni lava va twisisaka, lava va xi lavaka,

Xitsonga (Bibele)

² Yehovha u langutile vana va vanhu a ri etilweni, A ta vona xana u kona la nga ni ku twisisa, La lavaka Xikwembu.

Pisalema 14:2 Referans Kwoze

Varhoma 3:11

“A ku na munhu ni un'we la lulameke, a ku na la twisisaka, a ku na loyi a lavaka Xikwembu.

Vaheveru 11:6

kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu ú fanele ku pfumela leswaku xi kona, ni leswaku xi hakela lava va xi lavaka.

Genesa 6:12

Loko xi yi languta, xi vona leswaku yi onhakile, hikuva vanhu hinkwavo emisaveni a va endla leswo biha.

Daniele 12:10

Lavo tala va ta tibasisa, va va lava tengeke; kambe lavo homboloka va ta endla leswo biha, naswona a ku nga vi na un'we wa vona loyi a nga ta twisisa leswi humelelaka. Kambe lava tlhariheke, hi vona ntsena lava nga ta twisisa.

Matewu 13:15

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

2 TIKRONIKA 19:3

Hambiswiritano ku ni leswo saseka leswi u swi endleke: U susile timhandze ta vugandzeri bya Axera etikweni ra Yuda, kutani u tirherile HOSI Xikwembu hi mbilu ya wena hinkwayo.”

Swivuriso 9:16

“N'wina hinkwenu lavo-ke-mano, tanani haleno!” Loyi a nga ehleketiki swinene, wansati ú ri ka yena:

Pisalema 82:5

“Kambe n'wina a mi na vutivi, ni ku twisisa a mi twisisi; mi gugurhuteka emunyameni, hikokwalaho masungulo ya misava hinkwayo ma tsekatseka.

Esaya 63:15

“We HOSI, hi langute u ri ematilweni laha u tshamaka kona, exivandleni xa wena lexo kwetsima, xo saseka. Xana ku hiseka ka wena ni matimba ya wena, swi kwihi ke? Xana u alela yini ku hi twela vusiwana, u hi komba tintswalo, xana?

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Esaya 55:6

Lavani HOSI Xikwembu loko xa ha kumeka, xi vitaneni loko xa ha ri kusuhi.

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Esaya 8:19

Van'wana va ta mi kucetela ku ya eka lava nga ni swikwembu ni le ka swingomantanda leswi vulavulaka hi ku hlevetela, swi n'unun'uta kunene. Kambe xana loko Vaisraele va ri ni mhaka, a va nga fanelanga ku ya vutisa eka Xikwembu xa vona xana? Xana va nga vutisa eka lava feke etimhaka ta lava hanyaka xana?

Swivuriso 8:5

N'wina mi kalaka mano, tlharihani, dyondzani ku anakanya, n'wina swiphunta.

Swivuriso 2:9

Loko u yingisa, u ta twisisa leswi lulameke, u tiva milawu leyinene ni ntiyiso, u tiva ni hinkwaswo leswi lavekaka,

Pisalema 92:6

Mhaka leyi, mintlunya a yi nga yi tivi, ni swiphunta a swi nga yi twisisi.

Swirilo 3:50

ku kondza loko HOSI Xikwembu xi languta xi ri etilweni, xi swi vona:

Swivuriso 9:4

“N'wina hinkwenu mi kalaka mano, tanani haleno!” Loyi a nga ehleketiki swinene, vutlhari byi ku ka yena:

Pisalema 107:43

Munhu wo tlhariha a a xiyaxiye timhaka leti, kutani ú ta twisisa leswaku HOSI Xikwembu xi ni rirhandzu!

Genesa 18:21

hikokwalaho ndzi ta rhelela ndzi ya vona loko leswi ndzi swi twaka hi tlhelo ra vona va swi endlile hakunene. Loko swi ri swona, ndzi ta swi tiva.”

Genesa 11:5

Hiloko HOSI Xikwembu xi rhelela xi ta vona muti ni xihondzo lexi vanhu va tiakeleke xona,

Esaya 64:1

“Hikwalaho ka yini u nga handzuli mapapa, u rhelela emisaveni xana? Tintshava a ti ta ninginika loko ti ku vona.

Pisalema 69:32

N'wina mi xanisekaka, vonani leswi humelelaka mi tsaka, n'wina mi khongelaka Xikwembu tsakani mi kuma matimba,

2 TIKRONIKA 30:19

vanhu lava hinkwavo, lava nga landzangiki milawu ya ku tibasisa ya laha Tempeleni, hikuva va ku lava hi mbilu ya vona hinkwayo, we Xikwembu xa vatata wa vona!”

Ntirho 15:14

Munhu wa nyama i ncini, leswaku a va la tengeke, la velekiweke hi wansati, a nga va la lulameke xana?

Pisalema 11:4

HOSI yi le ndlwini ya yona leyo hlawuleka, xitshamu xa yona xa vuhosi xi le matilweni. Mahlo ya yona ma languta vanhu, hi ku copeta ka tihlo, yi va kambela.

Yeremiya 5:1

HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.