Pisalema 14:1 - BIBELE Mahungu Lamanene

¹ Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla swa manyala ntsena, ku hava na un'we la endlaka leswinene.

Xitsonga (Bibele)

¹ Xihunguki xi te embilwini ya xona: “A ku na Xikwembu!” Va borile; mitirho ya vona yi ni manyala; A ku na la endlaka swinene.

Pisalema 14:1 Referans Kwoze

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Pisalema 53:1

Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla leswo homboloka ntsena, ku hava na un'we la endlaka leswinene.

Pisalema 92:6

Mhaka leyi, mintlunya a yi nga yi tivi, ni swiphunta a swi nga yi twisisi.

Genesa 6:5

Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

Matewu 12:34

“N'wina rixaka ra timhiri, mi nga swi kotisa ku yini ku humesa marito lamanene, leswi mi nga lavo biha ke? Nomo wu vula leswi mbilu yi teleke swona.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Matewu 15:19

Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini;

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Swivuriso 27:22

Xiphukuphuku, hambi u nga xi kandza ni mavele etshurini, a xi nga pfuki xi hambane ni vuphukuphuku bya xona.

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Ntirho 22:13

Kambe wena u ri: ‘Xikwembu xi nga tiva yini, xana xi nga tsemakanya mapapa ya ntima xi tela ku avanyisa vanhu xana?’

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Esaya 1:4

Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.

Pisalema 107:17

Van'wana a va hlanganisiwa tinhloko hi mikhuva ya vona leyo homboloka, va xaniseka hikwalaho ka swidyoho swa vona.

Ntirho 15:16

Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

1 SAMIELE 25:25

Wena n'wini wanga, u nga tshuki u karhateka hi mhaka ya wanuna loyi wo biha, ndzi vula Nabala, hikuva hilaha vito ra yena ri vulaka hakona, i phuphula hakunene! Vuphuphula, ú lo pyì hi byona! Loko ndzi ri mina nandza wa wena, a ndzi kalanga ndzi ma vona majaha lawa u ma rhumeke, wena n'wini wanga!

Swivuriso 13:19

Loko munhu a kuma leswi a swi navelaka, wa tiphina, kambe ku hambana ni leswo biha, swa yila eka xiphunta.

Pisalema 73:3

hikuva ndzi naverile swa lavo homboloka, lava humelelaka hambileswi va tikurisaka ngopfu.

Eklesiasta 7:20

La misaveni, u nge kumi munhu wo lulama la endlaka leswinene ntsena, la nga dyohiki ni siku ni rin'we.

Yeremiya 5:12

Vaisraele va sandzile HOSI Xikwembu va ku: “Xi nga ka xi nga endli nchumu, ku hava xilo xo biha lexi nga ta hi humelela, nyimpi ni ndlala a swi nga vi kona.

Yeremiya 6:28

Hinkwavo va omile tinhloko, va tiarisa, va famba-famba va ri karhi va lumbeta van'wana; va nonon'hwa onge i nsimbhi kumbe koporo, hinkwavo i vaonhi.