Pisalema 139:21 - BIBELE Mahungu Lamanene

²¹ Lava va ku vengaka, na mina ndzi va venga ngopfu, vanhu lava lwaka na wena, va ndzi vavisa mbilu.

Xitsonga (Bibele)

²¹ Yehovha, a ndzi va venganga lava ku vengaka xana? A ndzi karihelanga lava ku pfukelaka xana?

Pisalema 139:21 Referans Kwoze

Pisalema 119:158

Loko ndzi vona lava nga pfumeriki, ndzi twa ku vava, hikuva a va na mhaka ni switshembiso swa wena.

Pisalema 31:6

Vanhu lava namarhelaka swikwembu swa hava, a ndzi twanani na vona. We HOSI, hi wena ntsena ndzi ku tshembaka.

Nhlavutelo 2:2

Ndzi tiva mintirho ya wena, ni ku tikarhata ka wena, ni ku tiyisela ka wena. Ndzi tiva leswaku a wu koti ku twanana ni vanhu lavo homboloka; naswona u xiyaxiyile swinene lava tivulaka vaapostola, kasi a hi vona, kutani u swi vonile leswaku va hemba.

2 TIKRONIKA 19:2

Kambe Yehu n'wana muprofeta Hanani a ya hlanganisa hosi Yoxafati, a ku ka yena: “Xana u endlile swona, loko u pfumerile ku pfuna vanhu lavo homboloka lava vengaka HOSI Xikwembu, xana? E-e! Hikokwalaho HOSI Xikwembu xi ta ku hlundzukela xi ku ba.

Nhlavutelo 2:6

Kambe hambiswiritano, leswinene leswi u nga na swona hi leswi: U venga mintirho ya Vanikolayiti, leyi na mina ndzi yi vengaka.

Pisalema 26:5

Ndzi swi venga ngopfu ku hlangana-hlangana ni lava endlaka leswo biha, ni vanhu lavo homboloka a ndzi swi tsakeli ku hungasa na vona.

Luka 19:41

Kuteloko a fikile kusuhi ni muti, a wu vona, a wu rilela,

Marka 3:5

Yesu a va rhalarhala hi mahlo a hlundzukile, a vavisekile hi ku nonon'hwa ka timbilu ta vona, kutani a ku ka munhu loyi: “Tshambuluta voko ra wena.” A ri tshambuluta, kutani voko ra yena ri tlhela ri ololoka.

Yeremiya 13:17

Loko mi ala ku yingisa, ndzi ta ya rila exihundleni hikwalaho ka ku tikurisa ka n'wina; ndzi ta rila hi xiviti ndzi halata mihloti, hikuva vanhu va HOSI Xikwembu va yisiwile evukhumbini.

Pisalema 119:136

Mahlo ya mina ma tenga-tenga mihloti, hikuva vanhu a va hlayisi nawu wa wena.

Pisalema 15:4

Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.