Pisalema 138:8 - BIBELE Mahungu Lamanene

⁸ We HOSI, u ta hetisa makungu ya wena lamanene ehenhla ka mina; rirhandzu ra wena a ri na ku hela, hikokwalaho ntirho lowu u wu sunguleke, u nga wu tshiki empfhukeni!

Xitsonga (Bibele)

⁸ Yehovha u ta tirha ematshan'weni ya mina ku yisa eku heteleleni. Yehovha! Tintswalo ta wena hi leti nga heriki, U nga tshiki mitirho ya mavoko ya wena!

Pisalema 138:8 Referans Kwoze

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Pisalema 57:2

Ndzi huwelela eka Xikwembu xa le henhla-henhla, hikuva i Xikwembu lexi hetisaka makungu ya xona evutomini bya mina.

1 Vatesalonika 5:24

Loyi a mi vitanaka wa tshembeka, kutani ú ta swi endla.

Esaya 26:12

We HOSI, u ta hi tisela ku rhula, hikuva hinkwaswo leswi hi koteke ku swi endla, hi swi endlile hi matimba ya wena.

Pisalema 136:1

Tlangelani HOSI, hikuva yi ni vunene! — Rirhandzu ra yona hi leri nga heriki —

Pisalema 103:17

Kasi rirhandzu ra HOSI Xikwembu rona a ri ri kona na khale, ra ha ta va kona hilaha ku nga heriki. Xikwembu xi lwela lava va xi chavaka, xi tshembeka ku ya fika eka vatukulu va vona hinkwavo,

1 Petro 4:19

Hikokwalaho, lava twisiwaka ku vava hilaha Xikwembu xi rhandzaka hakona, a va endle leswo lulama, kutani va veka mimoya ya vona emavokweni ya Muvumbi loyi a tshembekaka.

Esaya 43:21

Vanhu lava, ndzi va vumbile leswaku va ndzi dzunisa vona vinyi.

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Pisalema 100:5

HOSI Xikwembu xi ni vunene, rirhandzu ra xona hi leri nga heriki, xa ha ta tshembeka ni le ka hinkwavo lava va ha taka.

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Varhoma 5:10

Loko ha ha ri valala eka Xikwembu, hi endliwile lava vuyelelaneke na xona hi ku fa ka N'wana wa xona; kutani, leswi hi nga vuyelelana na xona, ngopfu-ngopfu hi ta ponisiwa hi mhaka ya ku hanya ka Kriste.

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Ntirho 14:15

A ndzi ta ku hlamula loko u ndzi vitana, na wena a wu ta tsakela ntirho wa mavoko ya wena.

Ntirho 10:8

Hi wena u vumbeke swirho swa mina hinkwaswo loko u ndzi tumbuluxa, kambe sweswi wa ndzi dlaya!

Ntirho 10:3

Xana eka wena i mhaka yo saseka loko u ndzi tshikelela, u sola ntirho wa mavoko ya wena, u ri karhi u katekisa makungu ya lavo homboloka xana?

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

Pisalema 57:3

Xi ta ndzi hlamula xi ri etilweni, xi ndzi ponisa, lava va ndzi kandziyelaka, xi ta va fularhela. Xikwembu xi ta ndzi komba rirhandzu ra xona, ni ku tshembeka ka xona.