Pisalema 138:4 - BIBELE Mahungu Lamanene

⁴ We HOSI, vafumi hinkwavo va misava a va ku tlangele, hikuva va twile leswi u swi vuleke.

Xitsonga (Bibele)

⁴ Oho Yehovha! Tihosi hinkwato ta misava ti ta ku dzunisa, Loko ti twa marito ya nomu wa wena;

Pisalema 138:4 Referans Kwoze

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Pisalema 72:11

Tihosi hinkwato a ti n'wi nkhinsamele, vanhu va tinxaka hinkwato va n'wi tirhela.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Pisalema 22:22

Ndzi ta tivisa vamakwerhu leswaku hi wena mani, ndzi ta ku dzunisa exikarhi ka ntshungu ndzi ku:

Nhlavutelo 21:24

Vanhu va matiko hinkwawo va ta famba eku vonakaleni ka wona, kutani tihosi ta misava ti ta wu tisela rifuwo ra tona.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Esaya 60:16

Vanhu va matiko ni tihosi ta vona, va ta ku tisela rifuwo ra vona leswaku u ri tirhisa. Kutani u ta swi tiva leswaku mina HOSI ndzi muponisi wa wena, ni leswaku ndzi mukutsuri wa wena, ndzi ntamu wa va ka Yakobo.

Esaya 49:23

Tihosi ti ta va vatatana eka wena, vasati va tona va ta va vamanana lava va nga ta ku hlayisa. Hinkwavo va ta nkhinsama va korhama, va nantswetela ritshuri emilengeni ya wena. Hikokwalaho, u ta swi tiva leswaku HOSI Xikwembu, hi mina; lava va ndzi tshembaka, va nga ka va nga khomiwi hi tingana.”

Pisalema 102:22

loko vanhu va matiko ni tihosi ta vona va ta va va hlengeletanile kona ku xi gandzela.

Pisalema 71:18

Hambileswi ndzi baseke nhloko, u nga ndzi tshiki we Xikwembu, ndzi ta kota ku twarisa matimba ya wena lamakulu eka vanhu va nkarhi lowu ni ka lava va ha taka.

Pisalema 51:13

Ndzi ta dyondzisa vadyohi tindlela ta wena, lavo homboloka va ta tlhelela eka wena.

Pisalema 57:9

We N'wini wanga, ndzi ta ku nkhensa exikarhi ka matiko, ndzi ta yimbelela ndzi ku dzunisa exikarhi ka vanhu va tinxaka-xaka,