Pisalema 137:9 - BIBELE Mahungu Lamanene

⁹ A ku nkhensiwe loyi a nga ta khoma swihlangi swa wena, a swi phyandlasela emaribyeni!

Xitsonga (Bibele)

⁹ Ku katekile munhu la nga ta khoma swihlangi swa wena, A swi pyanyela emaribyeni!

Pisalema 137:9 Referans Kwoze

Esaya 13:16

Swihlangi swa vona swi ta phyandlaseriwa va ri karhi va swi vona, leswi nga tindlwini ta vona swi ta phangheteriwa, vasati va vona va ta pfinyeteriwa.”

Nahume 3:10

Hambiswiritano, muti wa Teba wu rhurhisiwile, wu ya evukhumbini; swihlangi swa wona swi phyandlasiwile emahandzeni ya tindlela hinkwato; va pambulelana vachaviseki va wona hi ku hoxa vuhlolotwana, kutani tinganakana ta wona hinkwato ti bohiwile hi tinketani.

Hosiya 13:16

Va le Samariya va ta fela swidyoho swa vona, hikuva va fularherile Xikwembu xa vona; va ta dlayiwa hi banga, vana va vona va ta phyandlaseriwa, vavasati lava tikeke va ta handzuriwa makhwiri.

Hosiya 10:14

Hikokwalaho ku ta humelela nyimpi exikarhi ka n'wina, makhokholo ya n'wina hinkwawo ma ta mbundzumuxiwa, ku fana ni loko Xalimani a mbundzumuxa muti wa Beta-Arabele lowu vavasati ni vana va vona va phyandlaseriweke eka wona, hi siku leriya ra nyimpi.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”