Pisalema 137:8 - BIBELE Mahungu Lamanene

⁸ Na wena muti wa Babilona, u le kusuhi ni ku hlaseriwa. A ku nkhensiwe loyi a nga ta rihisela eka wena, a ku tlherisela leswo biha leswi u nga hi endla swona.

Xitsonga (Bibele)

⁸ Nhwanyana wa Babilona, la nga ta hundzuka rhumbi, Ku katekile la nga ta tlherisela eka wena leswi u hi endleleke swona!

Pisalema 137:8 Referans Kwoze

Nhlavutelo 18:6

N'wi endleni leswi a mi endleke swona, mi n'wi nyika kambirhi hakelo ya leswi a swi endleke; exinwelweni lexi a nga chela swakunwa eka xona, n'wi cheleleni kambirhi.

Esaya 21:1

Lawa i mahungu hi tlhelo ra “Mananga-ya-le-Lwandle”, ri nga tiko ra Babilona: Khombo leri fanaka ni mabubutsa ya le dzongeni, ra ta, ri ta hi le tlhelo ra le mananga, ri huma etikweni ro chavisa swinene.

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Zakariya 2:7

N'wina lava mi tshamaka exikarhi ka va le Babilona, pfukani mi vuyela eSiyoni!”

Yeremiya 50:1

Lawa i mahungu hi tlhelo ra muti wa Babilona ni tiko ra Vakalediya, lawa HOSI Xikwembu xi ma tiviseke hi nomo wa muprofeta Yeremiya. HOSI Xikwembu xi ri:

Yeremiya 50:29

HOSI Xikwembu xi ri: “Rhambani hinkwavo lava tivaka ku konga vurha, a va cope muti wa Babilona hi miseve; mavuthu a ma rhendzele muti lowu, ku nga humi munhu eka wona. Banani va le Babilona hi ku ya hi mintirho ya vona, va endleni hinkwaswo leswi va mi endleke swona, hikuva va tikurisile va lwa na mina HOSI, Muhlawuleki wa Israele.