Pisalema 137:7 - BIBELE Mahungu Lamanene

⁷ We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Xitsonga (Bibele)

⁷ Yehovha, anakanya vana va Edomu, Hi laha va nga te hi siku ra khombo ra Yerusalema: “Hlanhlani, hlanhlani ku ya fika emasungulweni ya wona!”

Pisalema 137:7 Referans Kwoze

Habakuku 3:13

U humelerile ku ta ponisa tiko ra wena, ni ku ponisa Muhlawuriwa wa wena, kambe u hlanhla yindlu ya lowo biha ku sukela exihlungwaneni, u yimbula masungulo ya yona ku fikela eribyeni.

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Ezekiele 35:2

“Wena munhu, languta leswi humelelaka entshaveni ya Seyira, kutani u tshinya vaaki va kona.

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Pisalema 74:18

We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

1 SAMIELE 15:2

HOSI ya matimba hinkwawo yi vurisa sweswo yi ri: ‘Ndzi ta ba Vaamaleke, hikuva va xanisile Vaisraele hi ku va sivela ndlela, loko va huma etikweni ra Egipta.’

Eksoda 17:14

Kutani HOSI Xikwembu xi ku ka Muxe: “Vaamaleke, ndzi ta va herisela makumu emisaveni, ku nga sali na un'we loyi vanhu va nga ta va tsundzuka ha yena! Tsala marito lawa ebukwini, ma ta ka ma nga rivariwi, u ma hlayela na Yoxuwa.”

Nehemiya 6:14

Kutani ndzi khongela ndzi ku: “We Xikwembu xanga, leswi Tobiya na Sanibalati va endlaka swona, u nga swi rivali; hambi a ri wansati lowa muprofeta loyi va nge i Nowadiya ni vaprofeta hinkwavo lava ringeteke ku ndzi chavisa, u nga va rivali!”

Ezekiele 35:15

Ndzi ta mi ba, hikuva a mi tsakile loko Vaisraele va ri ekhombyeni; ntshava hinkwayo ya Seyira ni tiko hinkwaro ra Edomu swi ta hundzuka mananga, kutani vanhu va ta tiva leswaku HOSI Xikwembu, hi mina!”