Pisalema 137:4 - BIBELE Mahungu Lamanene

⁴ Xana hi nga yimbelerisa ku yini tinsimu ta HOSI, leswi hi nga tikweni ra van'wana vanhu xana?

Xitsonga (Bibele)

⁴ Hi nga yimbelerisa ku yini tinsimu ta Yehovha Etikweni ra vamatiko xana?

Pisalema 137:4 Referans Kwoze

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Hosiya 9:4

Kona kwale, a va nga ha koti ku humesela HOSI Xikwembu vhinyo ya magandzelo; ni ku xi tsakisa hi ku xi tlhavela swifuwo, a va nga ha swi koti. Xinkwa xa vona xi ta fana ni xa le nkosini, hinkwavo lava nga ta dya xona va ta nyamisiwa; xinkwa xa kona xi ta va xo dya ntsena, a va nga ha xi yisi endlwini ya HOSI Xikwembu.

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Esaya 49:21

Kutani u ta vulavula hi mbilu u ku: ‘Xana i mani loyi a ndzi velekeleke vana lava xana? Ndzi feriwe hi vana, a ndzi tlhelanga ndzi kuma van'wana, tlhandlakambirhi ndzi khomiwile ndzi yisiwa kule evukhumbini; xana vana lava va wundle hi mani xana? A ndzi tisalele ndzi ri ndzexe, kutani vana lava, va ta va huma kwihi xana?’ ”

Eklesiasta 3:4

Ku ni nkarhi wa mihloti, ni nkarhi wa minkulungwana; ku ni nkarhi wo rila nkosi, ni nkarhi wo dya nkhuvo.