Pisalema 136:24 - BIBELE Mahungu Lamanene

²⁴ kutani a hi lamulela eka valala va hina. — Rirhandzu ra yena hi leri nga heriki —

Xitsonga (Bibele)

²⁴ Kutani a hi lamulela eka valala va hina, Hikuva tintswalo ta yena hi leti nga heriki!

Pisalema 136:24 Referans Kwoze

Pisalema 107:2

A va vule sweswo, vanhu lava HOSI Xikwembu xi va kutsuleke, lava xi va humeseke ekhombyeni.

Eksoda 15:13

“Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Duteronoma 15:15

Tsundzuka leswaku a wu ri hlonga etikweni ra Egipta, kambe HOSI Xikwembu xa wena xi ku kutsurile; kutani hi swona leswi endlaka leswaku ndzi ku lerisa leswi namuntlha.

Nehemiya 9:27

Kutani wena u va nyiketile emavokweni ya valala va vona va va xanisa. Loko va ri eku xanisekeni, va huwelerile eka wena, kutani wena u twile xirilo xa vona u ri etilweni. Hikwalaho ka tintswalo ta wena letikulu u va rhumerile valamuleri, va va ponisa emavokweni ya valala va vona.