Pisalema 136:16 - BIBELE Mahungu Lamanene

¹⁶ Ú fambisile vanhu va yena emananga, — Rirhandzu ra yena hi leri nga heriki —

Xitsonga (Bibele)

¹⁶ A tsemakanyisa tiko ra yena emananga, Hikuva tintswalo ta yena hi leti nga heriki!

Pisalema 136:16 Referans Kwoze

Duteronoma 8:15

Hi xona lexi xi nga mi tsemakanyisa mananga lamakulu yo chavisa lama nga ni tinyoka ta vuxungu ni swipame; endhawini leyi yo oma ngopfu, HOSI Xikwembu xi mi humeserile mati eribyeni lero nonon'hwa swinene;

Eksoda 15:22

Kutani Muxe a suka na Vaisraele eLwandle-ro-Tshwuka, va kongoma emananga ya Xuru. Va famba emananga lawa masiku manharhu, va nga kumi mati.

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Esaya 49:10

A va nga fi hi ndlala kumbe torha, ku hisa ka dyambu a ku nga va dlayi, hikuva loyi a va twelaka vusiwana, ú ta va rhangela, ú ta va fambisa hi lomu ku nga ni swihlovo.

Nehemiya 9:19

Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

Nehemiya 9:12

Ninhlekanhi, u va rhangerile hi ku nembeleta papa emahlweni ka vona; nivusiku u va rhangerile hi ku nembeleta ndzilo lowu pfurhaka wu va voningela ndlela leyi va faneleke ku famba ha yona.

Duteronoma 11:5

ni leswi xi mi endleleke swona ku sukela loko mi ri emananga ku kondza mi ta fika kwala, ma swi tiva.