Pisalema 135:4 - BIBELE Mahungu Lamanene

⁴ HOSI Xikwembu xi tihlawulele Vaisraele, vona va ka Yakobo, leswaku va va vanhu va xona va xiviri.

Xitsonga (Bibele)

⁴ Hikuva Yehovha u tihlawulele Yakobo, Na Israele, leswaku a va ndzhaka ya yena.

Pisalema 135:4 Referans Kwoze

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Duteronoma 10:15

Kambe, HOSI Xikwembu xi tinyiketile, xi rhandza vatata wa n'wina, xi tlhela xi hlawula n'wina vana va vona exikarhi ka vanhu va matiko man'wana, hilaha mi swi vonaka hakona ni namuntlha.

Malakiya 3:17

Kutani HOSI ya matimba hinkwawo yi ku: “Vanhu lava va ta va va mina; va ta va ndzhaka ya mina leyo hlawuleka siku ndzi nga ta avanyisa misava. Ndzi ta va tsetselela ku fana ni mutswari, loko a tsetselela n'wana wa yena loyi a n'wi tirhelaka.

Esaya 41:8

“Loko mi ri n'wina Vaisraele, malandza ya mina, ndzi vula n'wina va ka Yakobo, vatukulu va munghana wa mina Abrahama, ndzi mi hlawurile.

Pisalema 105:6

Ndzi vula n'wina vatukulu va Abrahama nandza wa HOSI, n'wina va ka Yakobo mi hlawuriweke hi yona.

Pisalema 33:12

Ku katekile tiko leri HOSI Xikwembu xi nga Xikwembu xa rona, lava xi va hlawuleke ku va vanhu va xona, a hi ku kateka ka vona!

1 SAMIELE 12:22

Hikwalaho ka vito lerikulu ra xona, HOSI Xikwembu xi nga ka xi nga mi cukumeti n'wina vanhu va xona, hikuva xi tsakerile ku mi hlawula, xi mi endla tiko ra xona.

Duteronoma 32:9

Kambe xona xi tihlawulele va ka Yakobo, ku va ndzhaka ya xona ya xiviri.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Duteronoma 26:18

Na xona HOSI Xikwembu, namuntlha xi tiyisile leswaku mi vanhu va xona va xiviri, hilaha xi tshembiseke hakona, ni leswaku mi fanele ku hlayisa swileriso swa xona hinkwaswo;

Yeremiya 51:19

Xikwembu xa va ka Yakobo a xi fani ni swikwembu leswi, hikuva hi xona xi vumbeke swilo hinkwaswo, kutani xi ni vanhu lava nga va xona hi xiviri; vito ra xona i HOSI ya matimba hinkwawo.