Pisalema 132:16 - BIBELE Mahungu Lamanene

¹⁶ Vaprista va wona ndzi ta va nyika matimba yo lamulela van'wana, kutani vaaki va wona lava va ndzi tirhelaka va ta tsaka va ba nkulungwana.

Xitsonga (Bibele)

¹⁶ Ndzi ta funengeta vaprista va kona hi ku hlayiseka, Ni vahlawuriwa va ta havela hi ku tsaka.

Pisalema 132:16 Referans Kwoze

2 TIKRONIKA 6:41

“We HOSI Xikwembu, tana ni Areka leyi ntamu wa wena wu tikombaka ha yona, u nghena na yona ekaya ka wena. Nyika vaprista va wena matimba yo ponisa vanhu, malandza ya wena a ma tsakisiwe hi vunene bya wena.

Pisalema 132:9

Nyika vaprista va wena matimba yo lwela vanhu; lava va ku tshembaka a va tsake va ba nkulungwana.

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Vagalatiya 3:27

Hinkwenu lava mi nga khuvuriwa eka Kriste, mi ambarile Kriste.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.

Pisalema 140:4

We HOSI, ndzi lamulele emavokweni ya lavo homboloka, u ndzi biyelela eka vanhu va tihanyi lava tsakelaka ku ndzi wisa.