Pisalema 132:15 - BIBELE Mahungu Lamanene

¹⁵ Muti lowu ndzi ta wu katekisa ngopfu ndzi wu nyika swakudya, swisiwana leswi nga ka wona swi ta dya swi xurha.

Xitsonga (Bibele)

¹⁵ Ndzi ta ku nyika ndzalo, Kutani vapfumari va kona ndzi ta va xurhisa hi vuswa;

Pisalema 132:15 Referans Kwoze

Pisalema 147:14

Xi tisa ku rhula etikweni ra wena, xi ku phamela leswo nandziha u dya u xurha.

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.

Hagayi 1:9

A mi languterile ndzalo, kambe vonani, a mi tshovelanga nchumu. Naswona loko mi vuyile na swona ekaya, ndzi swi hangalasile. Mina HOSI ya matimba hinkwawo ndzi vutisa ndzi ri, hikwalaho ka yini ke? Mhaka hileswaku un'wana ni un'wana wa n'wina ú tikarhatela yindlu ya yena, kasi yindlu ya mina i rhumbi ntsena!

Hagayi 1:6

Mi byarile ngopfu, kambe mi tshovele switsongo. Ku dya ma dya, kambe a mi xurhi. Ku nwa ma nwa, kambe a mi kolwi. Ku ambala ma ambala, kambe ni un'we wa n'wina a nga kufumeli. Naswona, mutirhi loko a hola, ú holela exinkwamaneni lexi boxekeke.

Yeremiya 31:14

Vaprista ndzi ta va phamela swakudya leswo xawula, vanhu va mina ndzi ta va lulamisela leswinene, va dya va xurha. Ndzi vula sweswo mina HOSI.”

Esaya 33:16

Vanhu vo tano, va ta tshama etinhlohlorhini ta tintshava, maribye ma ta hundzuka makhokholo yo va biyelela eka valala, va ta kuma swakudya, ni mati a va nga ma pfumali.

Pisalema 107:9

hikuva xi timurile torha ra lava karheleke, lava nga ni ndlala, xi va phamerile va dya va xurha.

Pisalema 37:19

Enkarhini lowo tika va nge nyumisiwi, va ta dya va xurha hambiloko dyandza ri ri kona;

Pisalema 37:3

Wena tshemba HOSI, u endla leswinene, kutani u ta tshamiseka etikweni, u nga chavisiwi hi nchumu.

Pisalema 36:8

Va hanya endzalweni ya leswi u va phamelaka swona; u va nwisa ni mati layo nandziha enambyeni wa wena,

Pisalema 22:26

Swisiwana swi ta dya swi xurha; lava va ku chavaka, va ta ku dzunisa we HOSI, va engeteriwa masiku ya ku hanya.

Duteronoma 14:29

Kutani leswi Valevhi va nga ta va va nga ri na nsimu kumbe ndzhaka exikarhi ka n'wina, va ta ta va ta dya va xurha, vona ni valuveri, ni lava pfumalaka vatswari, ni tinoni leti nga ta va ti ri emitini ya n'wina; kutani HOSI Xikwembu xa n'wina xi ta mi katekisa emintirhweni hinkwayo leyi mi nga ta yi tirha.

Eksoda 23:25

Mi ta tirhela mina HOSI Xikwembu xa n'wina ntsena, kutani ndzi ta mi katekisa hi ku mi nyika vuswa ni mati; ndzi ta susa ni mavabyi exikarhi ka n'wina.