Pisalema 130:5 - BIBELE Mahungu Lamanene

⁵ Ndzi tshemba HOSI hi mbilu ya mina hinkwayo, ndzi yimela ku twa rito ra yona.

Xitsonga (Bibele)

⁵ Ndzi tshembile Yehovha; moya wa mina wu n'wi langutele, Ndzi tshemba rito ra yena.

Pisalema 130:5 Referans Kwoze

Pisalema 33:20

Hina hi tshemba HOSI Xikwembu, hi xona xi nga mupfuni ni mulweri wa hina.

Esaya 30:18

Hambiswiritano, HOSI Xikwembu xa ha mi languterile, xi lava ku mi komba tintswalo, xi tsakela ngopfu ku mi twela vusiwana, hikuva hi xona Xikwembu lexi endlaka leswo lulama; hinkwavo lava va xi tshembaka, va ta kuma minkateko.

Pisalema 119:81

Ndzi navela ngopfu ku ponisiwa hi wena, hikuva ndzi tshemba leswi u swi vulaka.

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

Pisalema 62:1

Moya wa mina wu kuma ku wisa eka Xikwembu ntsena, ku ponisiwa ka mina ku huma eka xona.

Pisalema 40:1

Ndzi languterile HOSI Xikwembu ndzi nga heli mbilu, kutani xi tshinerile kusuhi xi ta yingisa ku huwelela ka mina.

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 119:74

Lava va ku chavaka, va ta tsaka loko va ndzi vona, hikuva ndzi tshemba rito ra wena.

Pisalema 119:114

Wena HOSI, u xisirhelelo ni xitlhangu xanga, ndzi tshemba rito ra wena.

Genesa 49:18

“We HOSI, ndzi langutele ku ponisiwa hi wena!

Pisalema 119:49

Anakanya leswi u ndzi byeleke swona mina nandza wa wena, ma nga marito lawa ya ndzi nyikaka ku tshemba.

Esaya 26:8

Hambiloko u hi ba, we HOSI, a hi tshiki ku ku tshemba; ku navela ka hina lokukulu i ku anakanya vito ra wena.

Pisalema 119:42

ndzi ta kota ku hlamula lava va ndzi monyaka, hikuva ndzi tshemba rito ra wena.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Luka 2:38

A tshuka a fikile enkarhini wolowo, a nkhensa Xikwembu, a vula ta Yesu eka hinkwavo lava languteleke ku kutsuriwa ka Yerusalema.

Luka 2:25

Le Yerusalema a ku ri ni munhu la vuriwaka Simiyoni; munhu loyi a a lulamile, a chava Xikwembu; a a langutele ku chaveleriwa ka Israele. Moya lowo Kwetsima a wu ri ka yena.