Pisalema 129:4 - BIBELE Mahungu Lamanene

⁴ Kambe HOSI Xikwembu xa tshembeka: Xi tsemile tintambhu leti lavo homboloka a va hi bohile ha tona.”

Xitsonga (Bibele)

⁴ Yehovha u lulamile: U tsemile mapindza ya vabihi.”

Pisalema 129:4 Referans Kwoze

Pisalema 119:137

We HOSI, u lulamile, ni swiboho swa wena a hi ku lulama ka swona!

Swirilo 3:22

Rirhandzu ra HOSI Xikwembu a ri heli, tintswalo ta xona a ti na makumu;

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Pisalema 7:12

Loko munhu wo biha a nga hundzuki, Xikwembu xi ta lota banga ra xona, xi konga vurha bya xona xi byi rhiya;