Pisalema 128:5 - BIBELE Mahungu Lamanene

⁵ HOSI Xikwembu a xi ku katekise xi ri eSiyoni, u vona ku kateka ka Yerusalema masiku hinkwawo ya ku hanya ka wena.

Xitsonga (Bibele)

⁵ Yehovha a a ku katekise hi ku kateka loku humaka eSiyoni. Hi leswaku u ta vona ku kateka ka Yerusalema, Hi masiku hinkwawo ya ku hanya ka wena.

Pisalema 128:5 Referans Kwoze

Pisalema 134:3

HOSI Xikwembu, xona xi endleke tilo ni misava, a xi mi katekise xi ri eSiyoni.

Pisalema 20:2

A xi ku rhumele ku pfuniwa loku humaka eTempeleni, ni ku seketeriwa loku humaka eSiyoni!

Pisalema 118:26

A ku katekisiwe munhu la taka hi vito ra HOSI. Hi mi navelela minkateko hi ri eTempeleni ya yona.

Esaya 33:20

Langutani muti wa Siyoni, laha hi endlaka kona minkhuvo leyi vekiweke, vonani Yerusalema, muti wo rhula lowu fanaka ni ntsonga lowu nga ha rhurhisiwiki! Timhingu ta wona ti nga ka ti nga ha simuriwi ni siku ni rin'we, hambi ti ri tintambhu ta wona ti nga ka ti nga ha tsemiwi.

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Pisalema 122:6

Khongelelani muti wa Yerusalema, mi wu kombelela ku rhula mi ku: “Lava va ku rhandzaka a va kume ku tsaka!”

Pisalema 135:21

N'wina mi akeke eSiyoni, nkhensani HOSI Xikwembu, xona xi tshamaka eYerusalema. Dzunisani HOSI!

Pisalema 20:3

A xi tsundzuke tinyiko hinkwato leti u ti humeseke, xi amukela ni magandzelo ya wena lama hisiwaka!