Pisalema 126:2 - BIBELE Mahungu Lamanene

² A hi tsakile swinene hi ba minkulungwana, vamatiko va kondza va ku: “HOSI Xikwembu xi va endlerile leswikulu!”

Xitsonga (Bibele)

² Milomu ya hina a yi nga tshiki ku hleka hi ku tsaka, Ririmi ra hina a ri ba mikulungwana. Kutani a va ku exikarhi ka matiko: Yehovha u va endlele swilo leswikulu!

Pisalema 126:2 Referans Kwoze

Ntirho 8:21

Loko a ri wena, xa ha ta ku yimbelerisa tinsimu, minkulungwana ya ha ta huma enon'weni wa wena.

Esaya 35:10

Loko HOSI Xikwembu xi va kutsurile, va ta vuya; va ta kongoma emutini wa Siyoni va ri karhi va ba minkulungwana; ntsako lowu nga heriki wu ta va khubumeta, va ta tshama va ri karhi va hlekelela va tsakile, maxangu ni ku konya swi ta nyamalala.

Pisalema 71:19

We Xikwembu, ku lulama ka wena i kukulu kukota matilo. U tirhile leswikulu ngopfu, ku hava loyi a ringanaka na wena we Xikwembu.

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Pisalema 53:6

Xana i mani munhu wo huma eSiyoni la nga ta ponisa Israele xana? Siku Xikwembu xi nga ta tlhela xi katekisa vanhu va xona, va ka Yakobo va ta ba minkulungwana, Vaisraele va ta tsaka ngopfu.

Nehemiya 6:16

Valala va hina ni vamatiko hinkwavo lava hi rhendzeleke, va tshuke ngopfu va tlhela va hela ni matimba loko va twa timhaka leti, hikuva a va swi vona leswaku Xikwembu xa hina hi xona xi hi pfuneke ku heta ntirho lowu.

Varhoma 11:15

Hikuva loko ku cukumetiwa ka vona ku endlile leswaku misava yi vuyelelana ni Xikwembu, ku amukeriwa ka vona hi Xikwembu ku ta vula yini, loko ku nga ri ku hanya ka lava a va file, xana?

Pisalema 51:14

We Xikwembu, wena Muponisi wanga, ndzi humese enandzwini wa ngati leyi halatiweke, kutani ndzi ta yimbelela ndzi ku twarisa, wena Mukutsuri.

Pisalema 14:7

Xana i mani munhu wo huma eSiyoni la nga ta ponisa Israele xana? Siku HOSI Xikwembu xi nga ta tlhela xi katekisa vanhu va xona, va ka Yakobo va ta ba minkulungwana, Vaisraele va ta tsaka ngopfu.

Ezra 3:11

kutani va yimbelela va ri karhi va hlavelelana, va dzunisa HOSI Xikwembu ni ku xi nkhensa, va ku: “HOSI Xikwembu xi lulamile, hikuva tintswalo ta xona eka Vaisraele hi leti nga heriki.” Vanhu hinkwavo va tlakusa rito va dzunisa HOSI Xikwembu hikwalaho ka masungulo lama endliweke ya yindlu ya xona.

Tinhlayo 23:23

“A ku na vuloyi lebyi nga tirhaka erixakeni ra Yakobo, ni vungoma byi nge ri endli nchumu rixaka ra Israele. Sweswi vanhu va ta vulavula hi va ka Yakobo, ri nga rona rixaka ra Israele, va ku: ‘Vonani leswi Xikwembu xi swi endleke!’

Esaya 51:11

Lava u nga ta va kutsula wena HOSI, va ta vuya, va ta kongoma emutini wa Siyoni va ri karhi va ba minkulungwana; ntsako lowu nga heriki wu ta va khubumeta, va ta tshama va ri karhi va hlekelela va tsakile, maxangu ni ku konya swi ta nyamalala.

Yeremiya 31:7

HOSI Xikwembu xi vurisa sweswo xi ri: “Yimbelelani mi ba ni minkulungwana, mi tsakela Yakobo, yena murhangeri wa vamatiko. Ndzi dzuniseni swinene, mi ku: ‘HOSI Xikwembu xi ponisile vanhu va xona, wona masalela ya Vaisraele.’

Ezekiele 36:36

Kutani vanhu lava saleke ematikweni lama vandzakaneke na n'wina, va ta tiva leswaku mina HOSI ndzi pfuxile miti leyi a yi ri marhumbi, ndzi tlhela ndzi rima masimu lawa a ma hundzukile mafusi. Hakunene leswi ndzi ta swi endla, ku vula mina HOSI!”