Pisalema 125:3 - BIBELE Mahungu Lamanene

³ Lavo homboloka va nga ka va nga yi emahlweni va fuma tiko leri nyikiweke lavo lulama; ehandle ka swona, lavo lulama lava va nga tshuka va ringiwa va endla leswo biha.

Xitsonga (Bibele)

³ Hikuva vuhosi lebyo biha byi nga ka byi nga fumi ndzhaka ya lavo lulama. Hi leswaku lavo lulama va nga tshuki va nghena eku dyoheni!

Pisalema 125:3 Referans Kwoze

Swivuriso 22:8

Loyi a byalaka moya lowo biha, ú ta tshovela makhombo ntsena, nkhavi lowu a baka vanhu ha wona, wu ta n'wi tshovekela.

Pisalema 89:22

Valala va yena va nge koti ku n'wi juma, lavo homboloka va nge n'wi wiseli ehansi.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

1 Vakorinto 10:13

A mi si humeleriwa hi miringo leyi tlulaka matimba ya munhu. Xikwembu xa tshembeka, xi nga ka xi nga pfumeri leswaku mi hlangana ni ndzingo lowu wu mi hlulaka; loko wu tshuka wu mi tela, xi ta mi nyika matimba ya ku tiyisela, mi ko mi huma eka wona.

Esaya 27:8

HOSI Xikwembu a xi va banga ku tlula mpimo, xi lo va yisa evukhumbini, xi va rhwarile hi moya wa xona wa matimba wo fana ni xidzedze xo huma evuxeni.

1 SAMIELE 24:10

Namuntlha, u swi vonile hi wexe hilaha HOSI Xikwembu xi ku nyiketeke hakona emavokweni ya mina, le bakweni. Van'wana a va ndzi kucetela leswaku ndzi ku dlaya, kambe ndzi ku tsetselerile, ndzi tiyisa leswaku ndzi nga ka ndzi nga ku khumbi, wena n'wini wanga, hikuva u muhlawuriwa wa HOSI Xikwembu.

Esaya 10:5

HOSI Xikwembu xi ri: “Vaasiriya i nhonga leyi ndzi yi tirhisaka loko ndzi karihile, loko ndzi hlundzukile, hi wona nkhavi wa mina!

Pisalema 103:9

A xi holoveli vanhu minkarhi hinkwayo, a xi tshameli ku va karihela.

Pisalema 103:14

hikuva xa swi tiva leswaku hi endliwe hi yini, a xi rivali leswaku hi ntshuri ntsena!

Pisalema 55:20

Loko a ri munghana wa mina, ú tlakuse voko a ba vanakulobye, a onha ntwanano exikarhi ka yena na vona.