Pisalema 124:4 - BIBELE Mahungu Lamanene

⁴ A hi ta va hi dyiwile hi mati, hi khukhuriwa hi milambu leyi hobomulanaka.

Xitsonga (Bibele)

⁴ Enkarhini wolowo ingi mati ma hi funengetile, Maboboma ma hundzile henhla ka mimoya ya hina.

Pisalema 124:4 Referans Kwoze

Nhlavutelo 17:15

Kutani ntsumi yi engeta yi ku ka mina: “Mati lawa u ma voneke, laha ku nga tshama wansati loyi wa muoswi, i vanhu va swivongo leswo tala ni ntshungu lowukulu, i vanhu va matiko layo tala ni tindzimi leto tala.

Pisalema 69:15

U nga pfumeli leswaku maboboma ni magandlati, swi ndzi khubumeta ndzi nyamalala; u nga ndzi tshiki ndzi seleteriwa ekheleni ra vafi.

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Pisalema 69:2

Ndzi hoxiwe ekheleni leri enteke ra ndzhope, ku hava laha ndzi nga kandziyaka kona; ndzi cukumetiwe exidziveni, maboboma ma ndzi khubumeta.

Pisalema 32:6

Hikokwalaho, hinkwavo lava va ku tshembaka a va ku khongele loko nkarhi wa ha ri kona. Hambiloko khombo ri va tela kukota ndhambi, a ri nga va dlayi.

Nhlavutelo 17:1

Kutani yin'wana ya tintsumi ta 7 leti a ti ri ni minkambana ya 7, yi ta yi ta ku ka mina: “Tana, ndzi ta ku komba hilaha muoswi lonkulu, la tshameke ehenhla ka mati layo tala, a nga ta avanyisiwa hakona,

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Esaya 28:2

N'wini wa hinkwaswo ú ta rhumela nhenha ya matimba ku ya wu hlasela; yi ta wu yela ku fana ni xihangu ni xidzedze lexo chavisa; yi ta wisetela hinkwaswo hi tihanyi kukota ndhambi ya mati.

Pisalema 42:7

Maxangu ya mina ma landzelelana kukota magandlati, u ma pfumisa wonge i maboboma; magandlati ya wena ni maboboma ya wena hinkwawo ma hundzile hi le henhla ka mina.

Pisalema 18:4

Mapindzi ya rifu a ma ndzi tsondzerile, ni maboboma lama lovisaka a ma ndzi khukhurile.

Ntirho 22:11

U le xinyamini, a wu voni nchumu, u mbombomerile exidziveni.

Pisalema 18:5

Xivandla xa vafi a xi ndzi phasa-phasile hi tinghole ta xona, rifu a ri ndzi rhiyele ntlhamu wa rona.

Pisalema 42:8

Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Pisalema 144:7

Tshambuluta voko ra wena, u ndzi humesa exidziveni, u ndzi ponisa emavokweni ya vamatiko.