Pisalema 123:3 - BIBELE Mahungu Lamanene

³ Hi twele vusiwana we HOSI, u hi tsetselela, hikuva hi soriwile ku tlula mpimo.

Xitsonga (Bibele)

³ Hi twele vusiwana, Yehovha, hi twele vusiwana! Hikuva hi xurhile tingana.

Pisalema 123:3 Referans Kwoze

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Luka 23:35

Vanhu a va yimile kwalaho, va ri karhi va languta; na vona vakulukumba a va n'wi hlekula, va ku: “Munhu loyi ú ponisile van'wana; a a tiponise, loko a ri Mesiya, Muhlawuriwa wa Xikwembu!”

Luka 16:14

Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Pisalema 4:1

We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

2 SAMIELE 6:16

Loko Areka ya HOSI yi nghena emutini wa Davhida, Mikala N'wa-Sawulo a hlometela hi le fasitereni, a vona hosi Davhida ehansi a ri karhi a dzunisa HOSI Xikwembu, hi ku tlula-tlula ni ku cina, kutani a n'wi sola hi mbilu.

2 TIHOSI 19:3

Kutani va ya, va ya tivisa muprofeta marito ya Hezekiya, lama nge: “Siku ra namuntlha i siku ra maxangu, ro tshinyiwa ni ra tingana. Hi fana ni vana lava nga kusuhi ni ku velekiwa, kambe matimba ya muveleki ma herile.

Ntirho 19:15

lava a va ri vaendzi laha ka mina, va ndzi rivele. Malandza ya mina ya xisati ma ndzi vula muluveri, ndzi hundzukile xi-ta-xi-famba emahlweni ka wona.

Swirilo 3:30

a a kangatele rhama eka loyi a n'wi baka, a amukela ni ku rhukaniwa.

Ezekiele 36:6

Hikokwalaho wena muprofeta, vulavula ni tiko ra Israele, u byela lava akeke etintshaveni ta rona ni le switsungeni swa rona ni le minkoveni ya rona ni le timbaleni ta rona, leswaku mina HOSI N'wini wa hinkwaswo ndzi ni rito eka vona leri nge: ‘Vamatiko va mi vangele tingana letikulu, kambe ndzi tiyimiserile ku va tshinya eku hlundzukeni ka mina lokukulu.

Ezekiele 36:15

A ndzi nga ha pfumeleli vamatiko ku mi khomisa tingana, a mi nga ha soriwi hi vanhu va tinxaka tin'wana, naswona a mi nga ha phiji varikwenu va wela hansi. Ndzi vula sweswo mina HOSI N'wini wa hinkwaswo.’ ”