Pisalema 122:4 - BIBELE Mahungu Lamanene

⁴ Hi kona tinxaka ta HOSI ti tlhandlukelaka kona ku ya yi tlangela, hilaha Vaisraele va lerisiweke hakona.

Xitsonga (Bibele)

⁴ Laha tinxaka ta Yehovha ti tlhandlukelaka kona Hi nawu wa Israele, ku dzunisa vito ra Yehovha.

Pisalema 122:4 Referans Kwoze

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Pisalema 132:13

Hakunene HOSI Xikwembu xi tihlawulerile muti wa Siyoni, xi tsakela ku tshama eka wona.

Eksoda 23:17

Elembeni, vavanuna va ka n'wina hinkwavo va fanele ku hlengeletana kanharhu emahlweni ka mina HOSI N'wini wa vona.

Pisalema 118:19

Ndzi pfuleleni tinyangwa ta lavo lulama, hikuva ndzi lava ku nghena ha tona eTempeleni, ndzi ya tlangela HOSI Xikwembu.

Pisalema 78:68

kambe ú hlawurile va nyimba ya ka Yuda, ni ntshava ya Siyoni leyi a yi rhandzaka.

Duteronoma 12:11

Hikokwalaho, mi fanele ku ya endhawini leyi HOSI Xikwembu xi nga ta yi hlawula leswaku vito ra xona ri gandzeriwa eka yona, mi yisa swilo hinkwaswo leswi ndzi nga ta mi lerisa swona, swi nga leswi: Magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko hinkwato leti mi tiboheke ku ti humesela HOSI Xikwembu.

Duteronoma 12:5

HOSI Xikwembu xa n'wina xi ta hlawula ndhawu leyi vito ra xona ri nga ta gandzeriwa eka yona; xi ta yi hlawula exikarhi ka tinyimba ta n'wina hinkwato; endhawini leyi, hi kona laha mi nga ta ya mi ya hlangana na xona kona.

Eksoda 32:15

Kavaloko Muxe a suka entshaveni a rhelela, a khomile maribye mambirhi ya Ntwanano, ma nga maribye ya swiphepherhele lawa a ma tsariwile matlhelo hinkwawo, hala ni hala.

Eksoda 16:34

Kutani Aroni a endla hilaha HOSI Xikwembu xi leriseke Muxe hakona, a veka xibya lexi emahlweni ka Areka ya Ntwanano leswaku xi hlayiseka.

Pisalema 81:6

“Ndzi mi rhurile ndzhwalo emakatleni, mavoko ya n'wina a ma ha tikeriwi hi nchumu.

Pisalema 100:4

Nghenani eTempeleni ya xona mi ri karhi mi nkhensa, mi nghena eswivaveni swa xona mi ri karhi mi yimbelela. Xi dzuniseni mi tlangela vito ra xona.