Pisalema 122:1 - BIBELE Mahungu Lamanene

¹ Ndzi tsakile ngopfu loko va ndzi rhambile va ku: “A hi yeni endlwini ya HOSI!”

Xitsonga (Bibele)

¹ Ndzi tsakile loko va te eka mina: A hi yeni endlwini ya Yehovha!

Pisalema 122:1 Referans Kwoze

Pisalema 84:10

Hakunene ku tshama siku rin'we ntsena eTempeleni ya wena, swi tlula ku tshama masiku ya khume ra madzana kun'wana. Ndzi ngo tsakela ku yima kunene enyangweni ya Tempele, we Xikwembu xanga, ku ri na ku tshama ni lava va nga ku khongeriki.

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Pisalema 134:1

N'wina hinkwenu malandza ya HOSI, tanani mi ta yi tlangela, tanani n'wina mi rindzaka nivusiku eTempeleni ya yona.

Pisalema 120:1

Loko ndzi ri emaxangwini, ndzi huwelele eka HOSI kutani yi ndzi hlamurile.

Pisalema 128:1

Ku katekile munhu un'wana ni un'wana loyi a chavaka HOSI Xikwembu, la fambaka etindleleni ta xona.

Pisalema 121:1

Ndzi languta henhla etintshaveni. Ku pfuniwa ka mina ku ta huma kwihi?

Pisalema 123:1

Ndzi languta eka wena, wena la fumaka a ri ematilweni.

Pisalema 55:14

Khale a hi dya kun'we mabulo yo tsakisa, hi famba-famba swin'we endlwini ya Xikwembu.

Yeremiya 31:6

Wa ta nkarhi lowu varindzi va nga ta huwelela va ri emagangeni ya ka Efrayimi, va ku: ‘Pfukani, a hi yeni le Siyoni, eka HOSI Xikwembu xa hina.’ ”

Pisalema 133:1

A hi ku tsakisa ka swona ni ku nandziha loko vamakwavo va tshama swin'we va ri karhi va twanana.

Pisalema 131:1

We HOSI, manyunyu ni ku tikurisa a swi kona eka mina; swilo leswi nga henhla ni leswo hlamarisa a ndzi swi naveli nikutsongo.

Pisalema 130:1

We HOSI, ndzi huwelela eka wena ndzi ri ekheleni leri enteke; ndzi yingise, we N'wini wanga.

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Pisalema 124:1

Loko HOSI a yi nga yimanga na hina, a ku ta va ku humelele yini? N'wina Vaisraele, vulani sweswo mi ku:

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Pisalema 129:1

Vaisraele a va vule va ku: “Valala va hi xanisile ngopfu ku sukela khale;

Pisalema 126:1

Siku HOSI Xikwembu xi tlheleke xi hi katekisa hina va le Siyoni, a hi ku hi le ku lorheni!

Pisalema 42:4

Loko ndzi ri karhi ndzi phofula swa moya wanga, ndzi tsundzuka swa khale, hilaha a ndzi longoloka hakona ni lavakulu, hi ya endlwini ya Xikwembu, hi ri karhi hi ba minkulungwana ya ntsako ni ku yimbelela tinsimu ta minkhenso hi ri emintshungwini leyi dyaka nkhuvo.

Pisalema 132:1

We HOSI, u nga rivali Davhida, ni hilaha a tikarhateke hakona,

Pisalema 26:8

We HOSI, yindlu leyi u tshamaka eka yona ndzi yi rhandza ngopfu, yona leyi ku dzuneka ka wena ku tikombaka eka yona.

Ezekiele 46:10

Mufumi wa tiko ni vanhu va yena va ta nghena ni ku huma eTempeleni emasikwini man'we.