Pisalema 121:7 - BIBELE Mahungu Lamanene

⁷ HOSI yi ta ku ponisa emakhombyeni hinkwawo, yi ku sirhelela.

Xitsonga (Bibele)

⁷ Yehovha u ta ku sirhela eku biheni hinkwako, U ta hlayisa moya wa wena.

Pisalema 121:7 Referans Kwoze

2 Timotiya 4:18

Hosi yi ta ndzi vutla ni le ku biheni hinkwako, yi ndzi ponisa leswaku ndzi ta kuma Mfumo wa yona wa le matilweni. Eka yona a ku ve ku dzuneka hilaha ku nga heriki. Amen.

Pisalema 41:2

xi n'wi hlayisa ni ku n'wi nyika vutomi, xi n'wi katekisa emisaveni, a xi n'wi tshiki a wela emavokweni ya valala va yena.

Swivuriso 12:21

Lowo lulama a nga weli hi khombo, kasi lavo homboloka va rhendzeriwa hi maxangu.

Pisalema 145:20

HOSI Xikwembu xi hlayisa hinkwavo lava va xi rhandzaka, kambe xi ta herisa lavo homboloka hinkwavo.

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Pisalema 97:10

N'wina mi rhandzaka HOSI Xikwembu, vengani leswo homboloka! HOSI Xikwembu xi sirhelela vutomi bya malandza ya xona, xi ma kutsula emavokweni ya lavo biha.

Pisalema 34:22

HOSI Xikwembu xi ponisa malandza ya xona; eka lava va tumbelaka eka xona, ku hava ni un'we la nga ta biwa.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Genesa 28:15

Vona, ndzi na wena; ndzi ta ku hlayisa hinkwako lomu u nga ta ya kona, ndzi tlhela ndzi ku vuyisa etikweni leri, hikuva ndzi nga ka ndzi nga ku tshiki ku kondza ndzi endla hinkwaswo leswi ndzi ku byeleke swona.”

Tinhlayo 6:24

“ ‘HOSI a yi mi katekise, yi mi hlayisa;

1 TIKRONIKA 4:10

Kutani Yabese a khongela Xikwembu xa Israele, a ku: “We Xikwembu, ndzi kombela leswaku u ndzi katekisa, u tlhengusa ni mindzilekana ya tiko ra mina, u ndzi biyelela eka leswo biha leswi swi nga ndzi xanisaka.” Kutani Xikwembu xi n'wi nyika leswi a swi kombeleke.