Pisalema 120:1 - BIBELE Mahungu Lamanene

¹ Loko ndzi ri emaxangwini, ndzi huwelele eka HOSI kutani yi ndzi hlamurile.

Xitsonga (Bibele)

¹ Ekhombyeni ra mina, ndzi huwelele eka Yehovha, Kutani u ndzi hlamurile.

Pisalema 120:1 Referans Kwoze

Pisalema 18:6

Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona; loko ndzi rila eka xona, xi ndzi twile.

Yonasi 2:2

“Ekhombyeni ra mina, ndzi ku vitanile we HOSI, kutani u ndzi hlamurile; ndzi komberile ku pfuniwa ndzi ri exivandleni xa vafi, kutani wena u yingisile ku rila ka mina.

Pisalema 118:5

Loko ndzi ri khombyeni, ndzi huwelerile eka HOSI Xikwembu, kutani xi yingisile xikhongelo xa mina xi ndzi ntshunxa.

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Pisalema 130:1

We HOSI, ndzi huwelela eka wena ndzi ri ekheleni leri enteke; ndzi yingise, we N'wini wanga.

Luka 22:44

Kakuloko a ri emaxangwini lamakulu, a khongela hi matimba ngopfu, nyuku wa yena wu ko wu xiririka, wu fana ni mathonsi ya ngati lama tshonelaka emisaveni.]

Pisalema 131:1

We HOSI, manyunyu ni ku tikurisa a swi kona eka mina; swilo leswi nga henhla ni leswo hlamarisa a ndzi swi naveli nikutsongo.

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Pisalema 107:13

Ekhombyeni ra vona, va huwelerile eka HOSI Xikwembu, kutani xi va ponisile emaxangwini ya vona.

Pisalema 134:1

N'wina hinkwenu malandza ya HOSI, tanani mi ta yi tlangela, tanani n'wina mi rindzaka nivusiku eTempeleni ya yona.

Pisalema 133:1

A hi ku tsakisa ka swona ni ku nandziha loko vamakwavo va tshama swin'we va ri karhi va twanana.

Pisalema 132:1

We HOSI, u nga rivali Davhida, ni hilaha a tikarhateke hakona,

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Pisalema 124:1

Loko HOSI a yi nga yimanga na hina, a ku ta va ku humelele yini? N'wina Vaisraele, vulani sweswo mi ku:

Pisalema 122:1

Ndzi tsakile ngopfu loko va ndzi rhambile va ku: “A hi yeni endlwini ya HOSI!”

Pisalema 121:1

Ndzi languta henhla etintshaveni. Ku pfuniwa ka mina ku ta huma kwihi?

Pisalema 102:2

Loko ndzi ri emaxangwini, u nga tshuki u ndzi fularhela. Ndzi rhiyele ndleve u hatla u ndzi hlamula, loko ndzi huwelela eka wena.

Pisalema 129:1

Vaisraele a va vule va ku: “Valala va hi xanisile ngopfu ku sukela khale;

Pisalema 128:1

Ku katekile munhu un'wana ni un'wana loyi a chavaka HOSI Xikwembu, la fambaka etindleleni ta xona.

Pisalema 126:1

Siku HOSI Xikwembu xi tlheleke xi hi katekisa hina va le Siyoni, a hi ku hi le ku lorheni!

Pisalema 123:1

Ndzi languta eka wena, wena la fumaka a ri ematilweni.

1 SAMIELE 1:20

a tika, kutani loko nkarhi wa yena wu fikile, a kuma n'wana wa mufana, a n'wi thya vito ra Samiele, hikuva a a ku: “Ndzi n'wi komberile eka HOSI Xikwembu.”

1 SAMIELE 1:27

A ndzi khongela ndzi kombela n'wana loyi. Kutani sweswi HOSI yi amukerile xikombelo xa mina;

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Yonasi 2:3

U ndzi hoxile exidziveni, exivindzini xa malwandle, mati layo tala ma ndzi funengetile; magandlati ya wena ni maboboma ya wena hinkwawo ma hundzile hi le henhla ka mina.