Pisalema 12:7 - BIBELE Mahungu Lamanene

⁷ We HOSI, hi sirhelele, hi lwele minkarhi hinkwayo eka vanhu va manguva lawa,

Xitsonga (Bibele)

⁷ Wena Yehovha u ta va hlayisa; U va sirhelela eka rixaka leri hi masiku.

Pisalema 12:7 Referans Kwoze

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Pisalema 145:20

HOSI Xikwembu xi hlayisa hinkwavo lava va xi rhandzaka, kambe xi ta herisa lavo homboloka hinkwavo.

Pisalema 121:8

Sweswi ni masiku hinkwawo HOSI yi ta ku hlayisa eku sukeni ka wena, ni ku ya fika laha u yaka kona.

Pisalema 37:40

HOSI Xikwembu xa va pfuna ni ku va kutsula, xi va lamulela eka lavo homboloka, xi va ponisa; lavo lulama va sirheleriwa hi xona.

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

Esaya 27:3

Mina HOSI, ndzi muhlayisi wa yona, nkarhi wun'wana ni wun'wana, ndza yi cheleta; ndzi yi rindza vusiku ni nhlekanhi, leswaku ku nga vi na munhu loyi a yi onhaka.

Pisalema 37:28

hikuva HOSI Xikwembu xi tsakela leswo lulama, lava va xi khongelaka, a xi nga va tshiki empfhukeni, xi ta va hlayisa hilaha ku nga heriki; kambe vana va lavo homboloka vona va ta heriseriwa makumu.

Pisalema 16:1

We Xikwembu, ndzi hlayise, hikuva hi wena khokholo na mina.

Pisalema 10:18

u yima ni lava pfumalaka vatswari, u lwela ni lava xanisiwaka, leswaku vanhu va misava leyi, va nga ha engeti va va karhata.

Duteronoma 33:3

Vanhu va xona, xa va rhandza hakunene, hinkwavo lava xi nga tihlawulela vona va le vokweni ra xona, va nkhinsama emilengeni ya xona, va amukela swileriso swa xona.

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

Pisalema 18:31

I mani la nga Xikwembu, loko ku nga ri HOSI ke? Ribye ra vutumbelo i mani, ehandle ka Xikwembu xa hina xana?

Pisalema 19:9

ku chava HOSI i mhaka leyinene, leyi nga ta ka yi nga heli; leswi HOSI yi swi bohaka i ntiyiso, swi lulamile hinkwaswo ka swona;

Pisalema 119:140

Switshembiso swa wena swi tiyile swinene, kutani mina nandza wa wena ndza swi tsakela.