Pisalema 119:98 - BIBELE Mahungu Lamanene

⁹⁸ Swileriso swa wena swi ndzi nyika vutlhari lebyi tlulaka bya valala va mina, kutani ndza swi hlayisa minkarhi hinkwayo.

Xitsonga (Bibele)

⁹⁸ Swileriso swa wena swi ndzi tlharihisa ngopfu ku tlula valala va mina, Hikuva swi na mina hi masiku.

Pisalema 119:98 Referans Kwoze

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

Duteronoma 4:6

Hlayisani milawu ni swiletelo leswi, hikuva loko mi endla tano, vanhu va tinxaka timbe va ta vona vutlhari ni ku twisisa ka n'wina, kutani loko va twa milawu leyi hinkwayo, va ta ku: ‘Mawaku lava nga ni vutlhari ni ku twisisa ku fana ni rixaka lerikulu leri.’

Pisalema 119:30

Ndzi hlawurile ku tiyisela endleleni ya wena, ndzi nga hambani ni leswi u swi boheke.

1 SAMIELE 18:30

Tindhuna ta Vafilista a ti tala ku huma ti hlasela, kambe minkarhi hinkwayo loko ti ta, Davhida a a humelela eku lweni ku tlula malandza hinkwawo ya Sawulo; hikokwalaho, vito ra yena a ri duma ngopfu.

Duteronoma 4:8

Xana rixaka rin'wana ri nga va kona leri nga ni milawu ni swiletelo swo lulama ku tlula leswi ndzi mi kombaka swona namuntlha xana?

1 SAMIELE 18:14

a humelela eka hinkwaswo leswi a swi endlaka, hikuva HOSI Xikwembu a xi ri na yena.

1 SAMIELE 18:5

Loko Davhida a tshuka a huma ni mavuthu, a a kota hinkwaswo leswi Sawulo a n'wi lerisaka swona. Hikokwalaho, Sawulo a n'wi tlakusa, a va un'wana wa vafambisi va mavuthu. Kutani ku tlakusiwa ka Davhida swi tsakisa tiko hinkwaro, hambi ma ri malandza laman'wana ya Sawulo.

Swivuriso 28:5

Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.