Pisalema 119:82 - BIBELE Mahungu Lamanene

⁸² Ndzi langutela hi mahlo-ngati ku hetiseka ka switshembiso swa wena, ndzi ri: “We HOSI, xana u ta ta rini u ta ndzi pfuna xana?”

Xitsonga (Bibele)

⁸² Mahlo ya mina ma hela hi ku langutela ku hlayela ka wena, Kutani ndzi ri: “U ta ndzi chavelela rini?”

Pisalema 119:82 Referans Kwoze

Pisalema 69:3

Nkolo wa mina wu twa ku vava, hikuva ndzi huwelele ngopfu, kutani ndzi karhele, ni mahlo ya mina ma fehla hi ku ku langutela, we Xikwembu xanga.

Pisalema 119:123

Ndza ku langutela hi mahlo-ngati leswaku u ta ndzi lamulela, ni leswaku switshembiso swa wena leswo lulama swi ta hetiseka.

Swivuriso 13:12

Loko munhu a nga kumi lexi a xi languteleke, ú twa mbilu ku vava, kasi loko a kuma lexi a xi navelaka, swi fana ni loko a kumile murhi lowu nyikaka vutomi.

Pisalema 86:17

Ndzi nyike xikombiso xa leswaku wa ndzi tsakela, kutani lava va ndzi vengaka va ta khoma hi tingana loko va swi vona, hikuva wena HOSI u ta va u ndzi pfunile, u ndzi tiyisa.

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Esaya 38:11

A ndzi ku ndzi nge he voni HOSI Xikwembu ndzi ri emisaveni ya lava hanyaka, ni leswaku a ndzi nga ha vonani na vanhu, hi ku ya tshama laha swilo hinkwaswo swi helelaka kona.

Duteronoma 28:32

Mi ta tekeriwa vana va n'wina va xinuna ni va xisati mi langutile, va xaviseriwa vanhu van'wana; mi ta sala mi va languterile masiku hinkwawo, mahlo ya n'wina ma kondza ma karhala, hikuva a ku nga vi na lexi mi nga ta xi endla.