Pisalema 119:80 - BIBELE Mahungu Lamanene

⁸⁰ Ndzi navela ku landza milawu ya wena, ndzi nga yi tshiki, kutani a ndzi nga khomiwi hi tingana.

Xitsonga (Bibele)

⁸⁰ Mbilu hinkwayo ya mina a yi tinyikete timfanelo ta wena, Leswaku ndzi nga khomisiwi tingana.

Pisalema 119:80 Referans Kwoze

Duteronoma 26:16

“Namuntlha, HOSI Xikwembu xa n'wina xi mi lerisa ku hanya hi milawu leyi ni swiletelo leswi, mi tikarhatela ku swi hlayisa hi timbilu ta n'wina hinkwato ni mimoya ya n'wina hinkwayo.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

2 TIKRONIKA 12:14

Rhobuwamu ú endlile leswo biha, hikuva a nga navelanga hi mbilu ya yena hinkwayo ku tiva ku rhandza ka HOSI Xikwembu.

Swivuriso 4:23

Hlayisa mbilu ya wena ku tlula swilo hinkwaswo, hikuva hi xona xihlovo xa vutomi.

Pisalema 119:6

Loko ndzi landzelela swileriso swa wena, a ndzi nga khomiwi hi tingana.

Pisalema 32:2

Munhu loyi HOSI Xikwembu xi nga n'wi voniki nandzu, loyi mbilu ya yena yi nga riki na vukanganyisi, ú katekile ngopfu!

Ezekiele 11:9

Ndzi ta mi humesa emutini wa Yerusalema, ndzi mi nyiketa emavokweni ya vamatiko, ndzi hetisa makungu ya mina ya ku mi ba.

Pisalema 25:21

Vunene ni ku lulama a swi ve swona swi ndzi hlayisaka, hikuva ndzi tshemba wena ntsena.

2 TIKRONIKA 25:2

Amasiya ú endlile leswo lulama emahlweni ka HOSI Xikwembu, hambiloko a a nga swi endli hi mbilu hinkwayo.

2 TIKRONIKA 15:17

Hambileswi a nga kotanga ku herisa magandzelo hinkwawo ya le switsungeni leswo hlawuleka etikweni ra Israele, Asa ú tikombile a ri munhu wo tshembeka evutomini bya yena hinkwabyo.