Pisalema 119:53 - BIBELE Mahungu Lamanene

⁵³ Lavo homboloka va ndzi hlundzukisa ngopfu, hikuva a va na mhaka ni nawu wa wena.

Xitsonga (Bibele)

⁵³ Ndzi khomiwa hi nhlamalo wa vukari Loko ndzi vona lavo biha va tshika nawu wa wena.

Pisalema 119:53 Referans Kwoze

Ezra 9:3

Kuteloko ndzi twile leswi, ndzi handzulela swiambalo swa mina hinkwaswo, ndzi tihluva ni misisi ni malebvu, kutani ndzi tshama ehansi, ndzi ku gòò!

Pisalema 119:158

Loko ndzi vona lava nga pfumeriki, ndzi twa ku vava, hikuva a va na mhaka ni switshembiso swa wena.

Vafilipiya 3:18

Ndzi tshama ndzi mi byela mhaka leyi hakanyingi, kutani sweswi ndzi engeta ndzi mi byela yona hi mihloti: Ku ni lavo tala lava eku hanyeni ka vona va nga valala va xihambano xa Kriste.

Yeremiya 13:17

Loko mi ala ku yingisa, ndzi ta ya rila exihundleni hikwalaho ka ku tikurisa ka n'wina; ndzi ta rila hi xiviti ndzi halata mihloti, hikuva vanhu va HOSI Xikwembu va yisiwile evukhumbini.

Ezra 10:6

Kutani Ezra a suka emahlweni ka Tempele, a ya endlwini leyi a ku tshama Yohanani n'wana Eliyaxibi, a fika a etlela kona, a nga dyanga nchumu kumbe ku nwa mati, hikuva ku tiarisa ka lava va vuyeke hi le vukhumbini a swi n'wi khunguvanyisile swinene.

2 Vakorinto 12:21

Ndzi chava leswaku loko ndzi ta le ka n'wina, Xikwembu xa mina xi nga tlhela xi ndzi tsongahata emahlweni ka n'wina, kutani ndza rila hikwalaho ka lavo tala lava dyoheke khale, lava nga hundzukangiki etimhakeni ta vona leto ka ti nga tenganga, ni ta vuoswi, ni ta manyala, leti va nga ti endla.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Daniele 4:19

Kutani Daniele la thyiweke vito ra Beltexatsara, a miyela nkarhi wo leha a chava ku boxa mhaka. Kutani hosi Nebukadnetsara a ku: “We Beltexatsara, norho ni nhlamuselo ya wona swi nga ku pfilunganyisi miehleketo.” Daniele a hlamula a ku: “N'wini wanga, norho lowu a wu kongome eka lava va ku vengaka, ni nhlamuselo ya wona a yi kongomisiwe eka valala va wena!

Pisalema 119:136

Mahlo ya mina ma tenga-tenga mihloti, hikuva vanhu a va hlayisi nawu wa wena.

Nehemiya 13:25

Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Pisalema 89:30

“Loko vana va yena va tlula milawu ya mina va nga landzeleli swiletelo swa mina,

Ezra 9:14

Hikokwalaho, xana hi nga ha tlhela hi tlula swileriso swa wena, hi tekelana vasati ni vanhu lava va endlaka manyala lawa, xana? Loko ho endla tano, wena u ta hi hlundzukela, u hi herisa ku kondza ku nga ha sali munhu, naswona a ku nga vi na loyi a nga ta pona.

Nehemiya 5:6

Ndzi khunguvanyeke ngopfu loko ndzi twa swivilelo swa vona ni marito lawa a va ma vulavula.