Pisalema 119:5 - BIBELE Mahungu Lamanene

⁵ Ndzi navela ngopfu ku hanya hi ndlela yo tshembeka, ndzi ri karhi ndzi hlayisa milawu ya wena.

Xitsonga (Bibele)

⁵ Tindlela ta mina a ti tiyisiwe, Ndzi ta kota ku hlayisa timfanelo ta wena!

Pisalema 119:5 Referans Kwoze

Pisalema 51:10

We Xikwembu, vumba endzeni ka mina mbilu leyo tenga, u tlhela u pfuxa moya wo lulama endzeni ka mina.

2 Vatesalonika 3:5

Ingi Hosi Xikwembu xi nga susumeta timbilu ta n'wina, leswaku mi xi rhandza, ni leswaku mi chivirikela Kriste.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Pisalema 119:36

Ndzi susumete ku anakanya switsundzuxo swa wena, ku tlula ku navela rifuwo.

Pisalema 119:32

Ndzi hisekela ku endla leswi u ndzi lerisaka swona, hikuva ha swona u anamisa miehleketo ya mina.

Pisalema 119:173

We HOSI, ndzi pfune minkarhi hinkwayo hikuva ndzi hlawurile ku landzelela swiletelo swa wena.

Pisalema 119:159

Vona hilaha ndzi tsakelaka swiletelo swa wena hakona; ndzi hanyise, hikuva wa ndzi rhandza.

Pisalema 119:131

Ndzi tsakela ngopfu swileriso swa wena, ndzi swi amukela hi mandla mambirhi.