Pisalema 119:21 - BIBELE Mahungu Lamanene

²¹ U tshinya vanhu lava titshembaka ngopfu, lava tivangelaka khombo hi ku tshika swileriso swa wena.

Xitsonga (Bibele)

²¹ U laya vatikurisi lava rhukaniweke, Lava hambukaka ku lerisa ka wena.

Pisalema 119:21 Referans Kwoze

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Pisalema 119:10

Ndzi lava ku ku yingisa hi mbilu ya mina hinkwayo, u nga pfumeli leswaku ndzi hambana ni swileriso swa wena.

Pisalema 119:118

U fularhela hinkwavo lava tlangaka hi milawu ya wena; hakunene vukanganyisi bya vona byi xisa vona vinyi!

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Luka 14:11

Hakunene un'wana ni un'wana loyi a tikurisaka, ú ta tsongahatiwa; kambe loyi a titsongahataka ú ta kurisiwa.”

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Pisalema 119:110

Lavo homboloka va ndzi rhiyile hi ntlhamu, kambe a ndzi tluli swiletelo swa wena.

Duteronoma 30:19

“Namuntlha ndzi kombela matilo ni misava ku va timbhoni ta mina leswaku ndzi mi nyikile nkarhi wo hlawula vutomi kumbe rifu, minkateko kumbe makhombo. Hlawulani vutomi, leswaku mi ta hanya, n'wina ni vana va n'wina!

Duteronoma 28:15

“Kasi loko mi nga yingisi leswi HOSI Xikwembu xi mi byelaka swona, ni loko mi nga tikarhateli ku hanya hi swileriso ni milawu hinkwayo leyi ndzi mi lerisaka yona namuntlha, makhombo lama nga ta mi tela hi xitalo hi lawa:

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”

Esaya 42:24

Xana loyi a nyiketeke va ka Yakobo emavokweni ya vaphanghi i mani xana? Ndzi ri i mani loyi a nyiketeke Vaisraele eka swigevenga, xana? A hi un'wana, loko a nga ri HOSI Xikwembu lexi hi xi dyoheleke, hi hambuka endleleni ya xona, hi ala ni ku yingisa milawu ya xona.

Esaya 10:12

Loko N'wini wa hinkwaswo a heta hinkwaswo leswi a swi endlaka entshaveni ya Siyoni ni le mutini wa Yerusalema, ú ta ba hosi ya Asiriya, hikuva yi titshemba ngopfu ni ku tikurisa ku tlula mpimo.

Pisalema 138:6

Hambileswi xi fumaka hinkwaswo, xi anakanya lava titsongahataka, kambe lava tikurisaka xi va vona va ha ri kule.”

Pisalema 119:78

Vasandzi vona a va khome hi tingana, hikuva va ndzi lumbetile, kambe mina a ndzi tshiki ku anakanya swiletelo swa wena.

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Nehemiya 9:16

“Hambiswiritano, vatata wa hina va tikurisile, va tinonon'hwisa, va nga yingisi milawu ya wena.

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.