Pisalema 119:2 - BIBELE Mahungu Lamanene

² Ku katekile lava amukelaka switsundzuxo swa HOSI, va yingisa yona hi mbilu hinkwayo,

Xitsonga (Bibele)

² Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Pisalema 119:2 Referans Kwoze

Yeremiya 29:13

Loko mi ndzi lava ni loko mi tinyiketa hi mbilu hinkwayo ku tiva ku rhandza ka mina, mi ta ndzi kuma, na mina ndzi ta tikomba eka n'wina; ndzi ta tlhela ndzi mi katekisa, ndzi mi hlengeleta mi huma ematikweni hinkwawo lawa ndzi mi hangalaseke eka wona; kutani mina HOSI ndzi ri, ndzi ta mi vuyisa exivandleni lexi mi nga susiwa eka xona, siku ndzi mi yiseke evukhumbini.’

Pisalema 119:10

Ndzi lava ku ku yingisa hi mbilu ya mina hinkwayo, u nga pfumeli leswaku ndzi hambana ni swileriso swa wena.

Duteronoma 4:29

“Loko mi ri exikarhi ka vanhu lava, mi ta lava HOSI Xikwembu xa n'wina, kutani loko mi xi lava hi timbilu ta n'wina hinkwato ni moya wa n'wina hinkwawo mi ta xi kuma.

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Pisalema 25:10

Tindlela hinkwato ta HOSI Xikwembu ti komba rirhandzu ra xona ni ku tshembeka ka xona eka lava hlayisaka ntwanano wa xona ni switsundzuxo swa xona.

Ezekiele 36:27

Ndzi ta mi nyika moya wa mina, kutani wu ta mi fambisa etindleleni ta mina, wu mi dyondzisa ku hlayisa milawu ya mina.

Swivuriso 23:26

N'wananga, ndzi yingise swinene, u tekelela leswi ndzi swi endlaka,

Duteronoma 6:17

Mi fanele ku tikarhata, mi hlayisa swileriso swa HOSI Xikwembu xa n'wina, ni switsundzuxo swa xona, ni milawu ya xona, swi nga leswi xi mi leriseke swona,

2 TIKRONIKA 31:21

Ú tinyiketile hi mbilu ya yena hinkwayo ku fambisa mintirho ya vukhongeri eTempeleni, a ri karhi a lava Xikwembu, a hlayisa milawu ya xona ni swileriso swa xona, kutani a kateka swinene.

1 TIHOSI 2:3

Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.

1 Yohane 3:20

Loko ripfalo ra hina ri hi avanyisa, hi tiva leswaku Xikwembu xi tlula ripfalo leri ra hina hi vukulu, naswona xi tiva hinkwaswo.

Pisalema 105:45

Xikwembu a xi endlela leswaku va hlayisa swiletelo swa xona, va landzelela milawu ya xona hinkwayo. Dzunisani HOSI!

Duteronoma 6:5

Rhandza HOSI Xikwembu xa wena hi mbilu ya wena hinkwayo, ni moya wa wena hinkwawo, ni matimba ya wena hinkwawo.

Pisalema 119:22

Ndzi ponise loko va ndzi sola ni ku ndzi hlekula, hikuva ndzi landzelela switsundzuxo swa wena.

Pisalema 119:146

Ndzi huwelela eka wena! Ndzi ponise, kutani ndzi ta yingisa switsundzuxo swa wena.

1 TIKRONIKA 22:19

Sweswi lavani HOSI Xikwembu xa n'wina hi mbilu ni moya; tinyiketeni mi aka Tempele leyo hlawuleka leyi yi nga ta dzunisa HOSI Xikwembu, mi nghenisa ka yona Areka ya Ntwanano wa xona, ni swibya swa xona leswo hlawuleka.”

Pisalema 119:17

We HOSI, ndzi nandza wa wena, ndzi katekise, leswaku ndzi ta hanya ndzi ri karhi ndzi yingisa rito ra wena.

Pisalema 119:33

We HOSI, ndzi dyondzise ku hanya hi milawu ya wena, kutani ndzi ta yi hlayisa minkarhi hinkwayo.

Pisalema 119:34

Ndzi nyike ku twisisa nawu wa wena, ndzi wu landza hi mbilu ya mina hinkwayo.

Pisalema 119:57

We HOSI, mina ndzi ri, nkateko wa mina i ku hlayisa rito ra wena.

Pisalema 119:69

Vasandzi va ndzi lumbeta, kasi mina ndzi hlayisa swiletelo swa wena hi mbilu ya mina hinkwayo;

Pisalema 119:88

Leswi u ndzi rhandzaka, ponisa vutomi bya mina, kutani ndzi ta hlayisa switsundzuxo leswi u swi vulaka.

Pisalema 119:101

A ndzi pfumeli ku famba etindleleni leto homboloka, hikuva ndzi rhandza ku hlayisa rito ra wena.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.