Pisalema 119:172 - BIBELE Mahungu Lamanene

¹⁷² Ndzi ta yimbelela ndzi twarisa switshembiso swa wena, hikuva milawu ya wena hinkwayo yi lulamile.

Xitsonga (Bibele)

¹⁷² Ririmi ra mina a ri dzunise rito ra wena, Hikuva ku lerisa ka wena hinkwako ku lulamile.

Pisalema 119:172 Referans Kwoze

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Varhoma 7:14

Ha swi tiva leswaku Nawu i wa Moya; kasi mina, ndzi munhu wa nyama ntsena, ndzi xavisiwile ku va hlonga ra ku dyoha.

Varhoma 7:12

Hikokwalaho ke, nawu hi woxe wu hlawulekile, na xona xileriso xi hlawulekile, xi lulamile, hi lexinene.

Pisalema 37:30

Nomo wa munhu wo lulama wu humesa swa vutlhari, ririmi ra yena ri vulavula leswi lulameke.

Pisalema 119:142

Minkarhi hinkwayo ku lulama ka wena ku hetisekile, ni nawu wa wena a wu hundzuki.

Pisalema 119:138

Switsundzuxo swa wena, u hi nyikile swona hi ku lulama ni ku tshembeka lokukulu.

Vakolosa 4:6

Ku vulavula ka n'wina a ku ve lokunene, loku nandzihaka masiku hinkwawo, mi ta tiva hilaha mi fanelaka ku hlamula un'wana ni un'wana hakona.

Pisalema 119:86

Swileriso swa wena hinkwaswo swi tiyile, hambiswiritano va ndzi xanisa ni ku ndzi lumbeta. Ndzi pfune!

Pisalema 119:13

Minkarhi hinkwayo, ndzi lava ku byela van'wana hinkwaswo leswi u swi boheke loko u vulavula.

Pisalema 119:46

Switsundzuxo swa wena, ndzi ta swi vula emahlweni ka tihosi ndzi nga ri na tingana.

Pisalema 78:4

A hi nga ti fihleli vatukulu va vona, vona lava va taka endzhaku ka hina, hi ta va tivisa mintirho leyo dzuneka ya HOSI Xikwembu ni matimba ya xona, hi va byela ni leswo hlamarisa leswi xi swi endleke.

Duteronoma 6:7

naswona u fanele ku tikarhata u ma dyondzisa vana va wena. Vulavula ha wona minkarhi hinkwayo, ku nga va loko mi tshamile emakaya, kumbe loko mi ri eriendzweni, kumbe loko mi etlela, kumbe loko mi pfuka.

Pisalema 119:128

Hikokwalaho, swiletelo swa wena hinkwaswo hi swona swi ndzi kombaka ndlela leyinene; a ndzi twanani ni mikhuva ya vakanganyisi.