Pisalema 119:145 - BIBELE Mahungu Lamanene

¹⁴⁵ We HOSI, ndzi huwelela eka wena hi mbilu ya mina hinkwayo! Ndzi hlamule, kutani ndzi ta hlayisa milawu ya wena.

Xitsonga (Bibele)

¹⁴⁵ Ndzi huwelela hi mbilu ya mina hinkwayo: Ndzi hlamule, Yehovha, ndzi ta hlayisa timfanelo ta wena.

Pisalema 119:145 Referans Kwoze

Pisalema 119:10

Ndzi lava ku ku yingisa hi mbilu ya mina hinkwayo, u nga pfumeli leswaku ndzi hambana ni swileriso swa wena.

Yeremiya 29:13

Loko mi ndzi lava ni loko mi tinyiketa hi mbilu hinkwayo ku tiva ku rhandza ka mina, mi ta ndzi kuma, na mina ndzi ta tikomba eka n'wina; ndzi ta tlhela ndzi mi katekisa, ndzi mi hlengeleta mi huma ematikweni hinkwawo lawa ndzi mi hangalaseke eka wona; kutani mina HOSI ndzi ri, ndzi ta mi vuyisa exivandleni lexi mi nga susiwa eka xona, siku ndzi mi yiseke evukhumbini.’

Pisalema 119:106

Ndzi tiyisile hi ku hlambanya, leswaku swiboho swa wena leswo lulama, ndzi ta swi hlayisa.

Pisalema 102:1

We HOSI, amukela xikhongelo xa mina, u ndzi yingisa loko ndzi rila ka wena.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 119:44

Vutomi bya mina hinkwabyo, ndzi ta hlayisa nawu wa wena.

Pisalema 86:4

We N'wini wanga, ndzi tsakise, hikuva ndzi nandza wa wena, ndzi tlakusa mahlo ndzi languta eka wena.

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

1 SAMIELE 1:15

Kambe Hana a hlamula a ku: “E-e, n'wini wanga, ntsena ndzo va wansati loyi a karhatekaka ngopfu. A ndzi nwanga vhinyo kumbe byalwa, kambe ndzi tile ku ta phofula swa mbilu ya mina eka HOSI Xikwembu.

Pisalema 119:8

Ndzi lava ku hlayisa milawu ya wena. U nga ndzi tshiki ni siku ni rin'we!

Pisalema 119:58

Ndza ku kombela hi mbilu ya mina hinkwayo: Ndzi twele vusiwana hilaha u tshembiseke hakona.