Pisalema 119:139 - BIBELE Mahungu Lamanene

¹³⁹ Ndzi vaviseka ngopfu emoyeni, hikuva valala va mina a va na mhaka ni rito ra wena.

Xitsonga (Bibele)

¹³⁹ Ku hiseka ka mina ku ndzi dyile, Hikuva valala va mina va rivele marito ya wena.

Pisalema 119:139 Referans Kwoze

Yohane 2:17

Kutani vadyondzisiwa va yena va tsundzuka leswi tsariweke eMatsalweni, loko va te: “Ku hisekela yindlu ya wena, we Xikwembu, swa ndzi dya.”

Pisalema 69:9

Ku hisekela yindlu ya wena swa ndzi dya, lava va ku rhuketelaka, va rhuketela mina.

Timhaka 13:27

Lava akeke eYerusalema, ni vakulukumba va vona, a va tivanga leswaku Yesu i mani, naswona a va twisisanga marito ya vaprofeta lama hlayiwaka siku rin'wana ni rin'wana ra Savata. Kambe va endlile leswaku marito lawa ma hetiseka, siku va avanyiseke Yesu.

1 TIHOSI 19:10

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

Matewu 22:29

Yesu a va hlamula, a ku: “Mi lahlekile ngopfu, hikuva a mi tivi Matsalwa ni matimba ya Xikwembu.

Matewu 21:42

Yesu a ku ka vona: “Xana a mi si tshama mi hlaya, eMatsalweni, mhaka leyi nge: “ ‘Ribye leri vaaki va nga ri nyenya, hi rona ri nga endliwa ribye lerikulu ra yinhla’, xana? ‘Swilo leswi swi endliwile hi Hosi, i mhaka leyi hlamarisaka loko hi yi languta!’

Matewu 21:16

Hiloko va ku ka yena: “Xana wa swi twa leswi vana lava va vulaka swona xana?” Yesu a ku ka vona: “Ina! Xana a mi si hlaya rito leri nge: ‘U dzunisiwile hi ndlela leyo hetiseka hi milomo ya vana ni ya lava mamaka’ xana?”

Matewu 21:13

a ku ka vona: “Ku tsariwile leswi: “ ‘Yindlu ya mina yi ta vuriwa yindlu ya xikhongelo’, kasi n'wina mi yi endlile ‘bako ra makhamba’.”

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Pisalema 53:4

Xikwembu xa vutisa xi ri: “Lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina Xikwembu, xana?”

1 TIHOSI 19:14

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ndzi lo sala ndzi ri ndzexe, kutani na mina va lava ku ndzi dlaya.”

Pisalema 69:10

Ndza rila ndzi titsona swakudya, kambe sweswo swi ndzi vangela ndzhukano ntsena.