Pisalema 119:130 - BIBELE Mahungu Lamanene

¹³⁰ Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Xitsonga (Bibele)

¹³⁰ Hlavutelo ya marito ya wena ya voninga, Yi nyika lavo rivala ku twisisa.

Pisalema 119:130 Referans Kwoze

Pisalema 119:105

Rito ra wena i rivoningo endleleni ya mina, ni ku vonakala emilengeni ya mina.

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Pisalema 19:7

Nawu wa HOSI wu hetisekile, wu hanyisa moya; switsundzuxo swa yona swi tiyile, swi tlharihisa vo kala mano.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Swivuriso 1:4

Swivuriso swi tlharihisa lavo pfumala mano, swi nyika lavantshwa vutivi ni mianakanyo leyinene.

Pisalema 19:8

Swiletelo swa HOSI swi lulamile, swi tsakisa mbilu; swileriso swa yona swi tengile, swi hanyanyisa mahlo;

Pisalema 119:34

Ndzi nyike ku twisisa nawu wa wena, ndzi wu landza hi mbilu ya mina hinkwayo.