Pisalema 119:112 - BIBELE Mahungu Lamanene

¹¹² Ndzi navela ku landzelela milawu ya wena minkarhi hinkwayo ku kondza ndzi ya eku feni.

Xitsonga (Bibele)

¹¹² Ndzi voyamisile mbilu ya mina, ku ya hi timfanelo ta wena, Hi masiku lama nga heriki.

Pisalema 119:112 Referans Kwoze

Pisalema 119:33

We HOSI, ndzi dyondzise ku hanya hi milawu ya wena, kutani ndzi ta yi hlayisa minkarhi hinkwayo.

Pisalema 119:36

Ndzi susumete ku anakanya switsundzuxo swa wena, ku tlula ku navela rifuwo.

Pisalema 141:4

U nga pfumeli leswaku miehleketo ya mina yi namarhela leswo biha, ndzi nga tshuki ndzi endla leswo homboloka, kumbe ku tirhisana ni vanhu lava dyohaka; ndzi nga tshuki ndzi dya na vona eminkhubyeni.

Pisalema 119:44

Vutomi bya mina hinkwabyo, ndzi ta hlayisa nawu wa wena.

1 TIHOSI 8:58

A xi kokele timbilu ta hina eka xona, leswaku hi hanya hi tindlela ta xona hinkwato, hi hlayisa milawu ya xona, ni swiletelo swa xona, ni swiboho swa xona, leswi xi swi leriseke vatata wa hina.

Yoxuwa 24:23

Yoxuwa a ku: “Loko swi ri tano, hambanani ni swikwembu leswi swi nga exikarhi ka n'wina, mi tinyiketa eka HOSI Xikwembu xa Israele hi timbilu ta n'wina hinkwato.”

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

2 TIKRONIKA 19:3

Hambiswiritano ku ni leswo saseka leswi u swi endleke: U susile timhandze ta vugandzeri bya Axera etikweni ra Yuda, kutani u tirherile HOSI Xikwembu hi mbilu ya wena hinkwayo.”

Ezra 7:10

a a tinyiketele ku dyondza nawu wa HOSI Xikwembu ni ku hanya ha wona, a tlhela a dyondzisa Vaisraele milawu ni swiletelo swa xona.

Pisalema 18:22

swileriso swa xona hinkwaswo, ndzi swi hlayisile, ni milawu ya xona, a ndzi yi tlulanga.

Swivuriso 2:2

rhiya ndleve u yingisa swa vutlhari, u tikarhatela ku twisisa swilo;