Pisalema 119:108 - BIBELE Mahungu Lamanene

¹⁰⁸ We HOSI, amukela xikhongelo xa mina xa ku nkhensa, kutani u ndzi dyondzisa leswi u swi boheke.

Xitsonga (Bibele)

¹⁰⁸ Oho Yehovha! Amukela gandzelo leri humaka enon'wini wa mina, U ndzi dyondzisa milawu ya wena!

Pisalema 119:108 Referans Kwoze

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Pisalema 119:12

We HOSI, vanhu a va tlangele wena! Hambi a ri mina, ndzi dyondzise milawu ya wena.

Pisalema 119:169

We HOSI, amukela xirilo xa mina, u ndzi nyika vutlhari hilaha u vuleke hakona.

Tinhlayo 29:39

“Leswi hi swona leswi va fanelaka ku ndzi humesela swona mina HOSI, eminkhubyeni ya vona leyi vekiweke, loko va humesa magandzelo lama hisiwaka ni mapa ya wona ni vhinyo ya wona, ni loko va humesa magandzelo ya xinakulobye; loko ma ri magandzelo ya ku tiboha hi ku hlambanya, ni lawa munhu a ma humesaka hi ku titwa, wona ma le tlhelo.”

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Pisalema 119:26

Ndzi ku boxerile timhaka ta mina, kutani u ndzi hlamurile; ndzi dyondzise milawu ya wena.

2 TIKRONIKA 31:14

Loyi a amukelaka tinyiko leti vanhu va ti humeselaka Xikwembu hi ku titwa, a a ri Kore n'wana Imina wa ka Levhi, mulanguteri wa nyangwa ya Tempele ya le vuxeni; naswona hi yena loyi a a pambula eka leswi humeseriwaka HOSI Xikwembu ni ka leswo hlawuleka ngopfu, a phamela ha swona vaprista ni Valevhi.

Pisalema 27:6

Hikokwalaho, ndzi ta hlula valala va mina lava va ndzi rhendzeleke matlhelo hinkwawo; ndzi ta humesa magandzelo endlwini ya HOSI ndzi ri karhi ndzi ba nkulungwana; ndzi ta yimbelela ndzi dzunisa HOSI.