Pisalema 119:103 - BIBELE Mahungu Lamanene

¹⁰³ Marito ya wena a hi ku nandziha ka wona, ma tsokombela ku tlula ni vulombe enon'weni wa mina.

Xitsonga (Bibele)

¹⁰³ A hi ku nandziha ka marito ya wena emalakeni ya mina, Ma tlula vulombe enon'wini wa mina!

Pisalema 119:103 Referans Kwoze

Swivuriso 8:11

hikuva vutlhari byi tlula swilo swo bomba ha swona, hinkwaswo leswi munhu a swi lavaka swi nga ka swi nga byi tluli.

Pisalema 19:10

swi navetisa ku tlula ni nsuku, hambi wu ri lowo tala, lowu tengeke; swi tsokombela ku tlula ni vulombe, hambi byi ri lebyi tshonaka exihlengeni.

Pisalema 63:5

Ndzi titwa ndzi tsakile, onge ndzi lo dya nyama yo nona, kutani ndzi ba nkulungwana ndzi ku dzunisa.

Ntirho 23:12

A ndzi tshikanga swileriso swa xona, ndzi hlayisile milawu ya xona leyi xi ndzi letelaka ha yona.

Swivuriso 3:17

Tindlela ta byona ta tsakisa swinene, mabudula ya byona i ku rhula ntsena.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Pisalema 19:11

Hi swona leswi swi ndzi tsundzuxaka, mina nandza wa wena; ku hlayisa swona swa ndzi vuyerisa swinene.

Swivuriso 2:10

kutani vutlhari byi ta ku letela, u tsakisiwa hi vutivi;

Ezekiele 3:3

A engeta a ku ka mina: “Wena munhu, mita buku leyi ndzi ku nyikaka yona, u tata khwiri ra wena!” Kavaloko ndzi dya: Enon'weni wa mina a yi nandziha kukota vulombe.

Nhlavutelo 10:10

Hiloko ndzi teka xibukwana evokweni ra ntsumi, ndzi xi dya. A xi tsokombela ku fana ni vulombe enon'weni, kambe loko ndzi xi dyile, ndzi twa xi ndzi luma-luma ekhwirini ra mina.